ملكوت السموات هي معرفته والعلاقة الرائعة معاه

walaa farouk · رقم المشاركة : ( 1 ) 04 - 02 - 2019, 11:45 PM

عمركوا فكرتوا إن الفقر نعمة؟؟ تخيلوا إنه كده فعلا .. دي الحقيقة اللي وصلت لها النهاردة
.. والسبب بسيط .. شعرت باحتياج وقلة حيلة وانا باتواجه بموقف مش قادرة أعمل فيه حاجة
وقعدت أقوله "محتاجة لك يارب" .. ولقيته بيكلمني في أعماقي عن الشعور بالاحتياج
وازاي الشعور بالعجز والفقر بيخلينا نروح له ونطلب منه ..
لانه لو إيدينا مليانة، إيه اللي هايخلينا نمدها ونأخذ منه؟؟
ووراني ازاي مخازنه مكدسة بالجود والإحسان .. اللي محتاج تعزية يلاقي
.. اللي فقران صبر، يصبره .. اللي تعوزه قوة، يشدده ..
عنده مخزون من كل احتياج ويكفي الجميع .
. وفجأة فكرني بالرجل الغني اللي مضى حزين .
. كان فاكر ان اللي عنده، بيكفي .. مش محتاج لحاجة .
. واتفاجىء انه كل ده مش هيفرق إنه يرى ملكوت السموات .
. وافتكرت الآية اللي في رؤيا ٣: ١٧ "لأنك تقول إني أنا غني
وقد استغنيت ولا حاجة لي إلى شيءٍ ولست تعلم أنك أنت الشقي والبأس وفقير وأعمى وعريان"
.. وفهمت ساعتها ليه الرب يسوع قال "إن مرور جمل من ثقب إبرة
، أيسر من أن يدخل غنيٌ إلى ملكوت الله" متى ١٩: ٢٤ ..
وشكرته من أجل كل فقر او احتياج بيخليني آجي له
.. لإن ملكوت السموات هي معرفته والعلاقة الرائعة معاه ..

Mary Naeem · 05 - 02 - 2019, 10:06 AM

وشكرته من أجل كل فقر او احتياج بيخليني آجي له
.. لإن ملكوت السموات هي معرفته والعلاقة الرائعة معاه

في منتهى الجمال يا قمر
ربنا يباركك

walaa farouk · 05 - 02 - 2019, 10:07 PM

ميرسى على مرورك الغالى ملكوت السموات هي معرفته والعلاقة الرائعة معاه