08 - 01 - 2019, 03:01 AM
|
| |
..::| مشرفة |::..
|
|
|
|
|
|
زوادة اليوم: الثقة بِألله
بيخبرو عن بنت زغيرة، كانت عم تقطع الجسر مع
بيها الختيار، خاف البَي الحنون ع بنتو توقع، فقلّها: «يا بنتي مسِكي بإيدي منيح حتى ما توقعي بالنهر». جاوبتو بنتو من دون تردّد: «لا يا بابا، إنت مسِكلي إيدي». ردّ البيّ هوّي ومستغرب: «وشو الفرق بيني وبينك؟!» قدّام سؤالو، كان جواب البنت: «لو أنا مسِكت بإيدك، يمكن ما إقدر إتحمّل ومعقول كتير تفلت إيدي وأوقع، بسّ لو إنتَ مسِكت إيدي، أكيد ما رح تخلّيها تفلت منّك أبدًا».
الزوّادة بتقلّي وبتقلّك:
«بس توثق بيلّي بتحبُّن أكثر من ثقتك بنفسك، وتتطمّن ع حياتَك بين إيديهن أكتر من إطمئنانك ع وضع حياتك بين إيديك، وقتها رح تعيش بسعادة وفرح... لَهالسبب خلّي ثقتك بيسوع كبيرة، وسلّمو إيدك ليمسكها».
|
