|
 |
 |
 |
|
رقم المشاركة : ( 1 )
31 - 12 - 2018, 09:37 PM
|
|||||||||||
|
|||||||||||
 من أصعب اللحظات اللي بتمر علينا كلنا اللحظة اللي بنودع فيها سنة من حياتنا ! أكيد كانت سنة صعبة علي ناس كتير فينا . أكيد ناس كتير أتألموا من أحداث كبيرة حصلت في حياتهم السنة دي *اللي فقد حد من أهله ومفيش أغلي من الأهل عند أي إنسان. *اللي فقد حد من ولاده ومفيش في الدنيا كلها أعز من ولاد الواحد *اللي ساب شغله ومعندوش شغل حاليا وعايش بدون هدف. *اللي ربنا أختبره بمرض عشان يغير حياته وحياه عيلته كلها. *الأهل المتألمين اللي ربوا وكبروا وفي الأخر محدش بيسأل عليهم من أولادهم حتي بالتليفون وشاعرين بوحده وألم شديد. *الأزواج اللي حياتهم كلها مشاكل ليل وانهار واللي أولادهم بيتحطموا من كل اللي ييشوفوا. *الناس اللي حوالينا وعندهم أكتئاب مرضي شديد ومش قادرين يطلعوا منه. *الناس اللي بعدوا عن ربنا وأتعثروا من أسباب كتيرة وقرروا يتجهوا للألحاد وشافوا إن ده أحسن أختيار. *أهالي الشهداءاللي تحملوا تجارب صعب أي حد يتحملها. *الشباب اللي تعبان من معامله أهله معاه وعدم أحترامهم ليهم. أوجاع كتير...........حقيقي ملهاش حصر مفيش بيت ...معندوش مشكله أو تجربة مفيش حد السنه دي عدت عليه سهله خالص... بس معلش...... صدقوني كله بيعدي مفيش حزن مبيصغرش مفيش ضيقه مبتنتهيش طيب إزاي تكون سنة أفضل وأنا لسه حزين وضعيف و سبب الحزن لسة موجود ومش قادر.....؟؟؟؟؟؟ واحدة واحدة هتقدر بس أكيد مش لوحدك! طيب أزاي ؟؟ "بنعمه ربنا "وبوجوده أكتر في حياتك في كل خطواتك وقراراتك . السنة الجديدة لازم تكون مختلفة! لازم تاخد قرارات فيها ! -عايز تغير من جوازك للأفضل يلا حاول تغير من طبعك مع مراتك وتقرا كتالوجها وتعالي علي نفسك شوية وريحها وأنتي كمان شوفي كتالوج جوزك إيه وحاولي تمشي عليه. الموضوع مش صعب بس بلاش عند وكرامة. -مفيش شغل أو نفسك تطور من نفسك يلا عافر وقدم علي أشغال كتير وحسن من نفسك وخد كورسات جديدة عشان تتطور. _بعدت عن ربنا خالص فكر تاني وصلي إن ربنا يرشدك للطريق الصحيح ويفتح عينيك. _حزين ومتألم علي الأحباب والغاليين اللي ربنا سمح إنهم يروحوا وإنك تتألم يبقي أبدا وساعد المتألمين زيك واللي ظروفهم شبهك وساعتها هتتعزي جدا جدا وهتحس إنك مش لوحدك اللي اتجربت التجربة الصعبة دي وركز جدا في علاقتك مع ربنا وفي الخدمة عشان تقدر تطلع واحدة واحدة من الألم. -مش بتخدم وعمال تقول نفسي ومش نفسي يلا مستني إيه روح أخدم وفرح الناس وفرح نفسك ببركات الخدمة، العمر اللي بيروح مش بيرجع تاني. -مقاطع أهلك وأخواتك من سنين، طيب وبعدين، عايز تقنعني إنك سعيد كده يعني! معقول كل الوقت ده مقاطعهم وزعلان! كفايه الدنيا مش مستهله أصلا إنك تخسر ناس من دمك . العمر بينتهي في لحظة. قوم وتعالي علي نفسك وبادر وروح صالحهم وصالح نفسك بيهم. مضيعوش وقت في حياتكم السنه اللي بتروح مننا مش ممكن هترجع تاني خلاص. يارب تكون سنة سعيدة علي كل واحد فيكم وربنا يحققلكم كل اللي نفسكم فيه يا رب🙏 وتكون قلوبنا جميعا عمرانه بمحبة ربنا ورضاه 
|
|
01 - 01 - 2019, 10:51 AM
|
رقم المشاركة : ( 2 ) | ||||
|
† Admin Woman †
|
رد: خلاص ٢٠١٨........
يارب تكون سنة سعيدة علي كل واحد فيكم وربنا يحققلكم كل اللي نفسكم فيه يا رب
وتكون قلوبنا جميعا عمرانه بمحبة ربنا ورضاه مشاركة جميلة جدا ربنا يبارك حياتك |
||||
|
|
|
01 - 01 - 2019, 08:05 PM
|
رقم المشاركة : ( 3 ) | ||||
|
..::| الإدارة العامة |::..
|
رد: خلاص ٢٠١٨........
ميرسى على مرورك الغالى  |
||||
|
|
|
05 - 01 - 2019, 08:47 PM
|
رقم المشاركة : ( 5 ) | ||||
|
..::| الإدارة العامة |::..
|
رد: خلاص ٢٠١٨........
ميرسى على مرورك الغالى |
||||
|
|
 |
|
العرض العادي
