|
 |
 |
 |
|
رقم المشاركة : ( 1 )
26 - 12 - 2018, 03:39 PM
|
|||||||||||
|
|||||||||||
|
خمس دقايق قلبوه كيانى
وانا بتفرج... فى محل مكيچات البنات عند واحد صاحبى كنت بساعده بسبب ضغط العيد وادبنى قاعد معاه..شويه واللى حصل وصل وله العجب.. ...... .......... ١. زوجة بتقف عندي وبتسألني بكام ارخص مانيكير قولتلها انا شايف انه اقل حاجه مكتوب السعر ب ٥جنيه قالتلي تمام اختارت لون ووقفت استنت جوزها اللي جاي من بعيد وبتقوله اللون دة نفسي فيه من زمان وفرحانة اني لقيته😘 وهي بتضحك جه جوزها بتقوله وهى فرحانه بقلب بسيط رد ايه التفاهة دي يا هااانم.. هاتي تشيرتات للعيال احسن خلي عندك دم 😭 اتصدمت جدا من الرد وهي في لحظة اتكسفت ووشها اصفر وبصت علي المانيكير وسابته من ايديها وقالتلي شكرا ومشيت وهي مكسوفة منى ومن صاحب المحل ومتضايقة جدا مع العلم ان جوزها في ايده علبة سجاير l.m واكيد بيشتري كل يوم مفيش ثوانى ٢. اب كبير في السن بيقولي وريني احلي واغلي حاجة عندك عشان بنتي 😍😍😍 فرجته ندالها من بعيد وجات قالها هاتي يا بابا اللي نفسك فيه والبنت مكسوفة ووشها من الفرحة كان منور اختارت روج وفضل يلح عليها وايه تاني وايه تاني اختارت حاجة تاني بالعافية وهي مبسوطة اوووي اووي وباين عليها فرحتها مش بالحاجة قد حضن باباها وهو بيشاركها ويختارلها 😘😘خدي دة يا بابا لونه بنوتاتي الموقف عجبني اووي وفضلت مركز معاه لحد ممشي 😄والفرحه مليه عنبها بحب ابوها ليها😄 ٣. بنت جميلة شابة ومعاها اخوها اصغر منها بقولها اتفضلى يا بنتى قالت انا مش بنتك قولتلها بابتسامة اتفضلى يا فندم نفخت فى وشى وقالت يوووه اخوهاا قالى معلش يا عموا ابتسامت وسكت قالت لى انا اسفه يا بابا بصيت كده قولتلها معلش اهلا بيكى اصلى هى عندها جرح مضايقها جدا في وشها وجيه المحل مخصوص عشان تاخد (ديرماكول) تداري الجرح ولما ملقيتش درجة مناسبة اتضايقت جدا اكتر من الاول اخوها عمل ايه يا ترى بصلها وقالها صدقيني وشك جميل اووي مش محتاج انتي اللي مركزة مع الجرح لكن اللي يشوفك هيركز في حلاوتك مش في الجرح 😍😍 البنت سمعت الكلمتين دول واتبسطت اووي ورجعتلها ثقتها في نفسها لمجرد كلمة حلوة سمعتها 😋وقولتلها انتى احلى من القمر نفسه😋 طبطبت على كتفى وقالتى انت جميل اوى يا عمو..وسبتنى ومشيت ٤. زوج وزوجة ومعاهم ٣ اطفال منهم بيبي بيرضع وقفت الست تتفرج اخد منها البيبي زى ما بشيل يوسف اومريم وبنساعد بعض انا ومراتى وفضلوا ينقوا مع بعض درجة روج تليق عليها اختارت درجة قالها لا دي عندك منها هاتي اغمق 😘 ترد لا مش عندي لا عندك بس انا مش فاكرة اني معايا دي قالها لا معاكي وكانت ماركة ماك واشتريناها مع بعض السنة اللي فاتت من اسكندرية تضحك الست وتفتكر وتقوله انت فاكر حاجتي 💄💄وانا نسيتها يرد بقي انا مش فاكره هو انا فاكر فرحتك بيه يومها عملتي فرح لما لقتيها 😍😍😍 الخلاصة 😄😄 تصرفات الراجل بتنعكس علي الست اوووي هو اللي في ايده بكلمة او حاجة بسيطة يسعدها 😍😍😍😍😍 وهو كمان اللي بكلمة بسيطة يتعسها ويطفي نور حياتها 😇😇الاهتمام ثم الاهتمام ثم الاهتمام الراجل الاول كان ممكن ب٥ج بس يفرحها سنة قدام عكس تصرفه كسفتها هتخنقها سنة قدام ومش هتنسهاله ابدا 😭😭 الاب وحبه لبنته ودلعها هيخليها تطلع شبعانه نفسيا من محبة وعطف ابوها اللي محدش يقدر يعوضة 😘زى انا ومريم بنتى الاخ هو سند البنت ومرايتها هو اللي بيخليها تحس بالامان حتي لو هي مش واثقة في نفسها 😇 الزوج اللي بيهتم بالتفاصيل الصغيرة اللي بتسعد مراته ويهتم بيها وبمشاعرها هيسعدها طول العمر ومش هتنسهاله ابدا وهتردهاله فرح وسعادة جوة بيته اضعاف 😘😘😘😘 خمس دقايق من الحياة بتفاصيل واقعية جدًا جدًا 😏 وازكرونى فى صلوتكم وبطلب منكم الاهتمام بى انا كمان تكتبلى كلمه حلوة تحياتى...عموفرحان 
|
|
26 - 12 - 2018, 03:50 PM
|
رقم المشاركة : ( 2 ) | ||||
|
† Admin Woman †
|
رد: خمس دقايق قلبو كيانى (عمو فرحان)
الزوج اللي بيهتم بالتفاصيل الصغيرة اللي بتسعد مراته ويهتم بيها وبمشاعرها هيسعدها طول العمر ومش هتنسهاله ابدا وهتردهاله فرح وسعادة جوة بيته اضعاف صح يا قمر ربنا يباركك حببتي |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| إنتَ الغالي عَ قلبو إنتَ فَرحِة حبُّو |
| حقايق عن الجمل |
| ترنيمة انا قلبى فرحان فرحان - للأطفال |
| أخر 5 دقايق فى الامتحان |
| اخر عشر دقايق فى الامتحانات |
العرض العادي
