|
 |
 |
 |
|
رقم المشاركة : ( 1 )
10 - 12 - 2018, 09:40 PM
|
|||||||||||
|
|||||||||||
|
يسوع المسيح ..  الشخص الوحيد اللي ينفع نقيس عليه حياتنا وتصرفاتنا إذا كانت صح أو غلط هو الرب يسوع، الحكم على الناس مش دورنا ومش احنا اللي المفروض نقول مين الصح ومين الغلط، الله كاشف القلوب وعارف النوايا . . قيس نفسك على تعاليم يسوع مش على أي حد تاني  بولس الرسول ( شاول الطرسوسي ) اعمال الرسل 9 شاول الطرسوسي وبعد مقابلته مع الرب يسوع بقى اسمه بولس الرسول، شاول كان مكتوب عنه أنه بيهدد وبيقتل كل المسيحين واللي بيشهدوا عن يسوع المسيح، والمشكلة أنه كان فاكر إن دي الطريقة اللي بترضي ربنا، هو فعلا كان عايز يرضيه، لكن الله كان ليه طريق تاني وسكة تانيه غير دي خالص، شاول اللي كان بيقتل أي حد بيتكلم عن يسوع، هو نفسه اللي ضحي بحياته كلها علشان يسوع !!.  شاول الملك .. صموئيل الأول 9 شاول رجل مفيش زيه ولا أحسن منه في اسرائيل كلها ، ومسحه صموئيل علشان يكون ملك على الشعب، من عيلة غنية ، رجل طويل ووسيم، قوي جدًا، كل شعب اسرائيل فِرح لما الله اختار شاول يكون ملك عليهم .. دارت الأيام وبدأ شاول يبعد عن الله وعن وصاياه وبالنسبة له بقى المُلك والمملكة أهم من كلام الرب ، لغاية لما جه الرب وبعت صموئيل لشاول وقاله أن الرب رفضه لأنه مابقاش بيسمع كلامه وهايشيل منه المُلك! شاول كان شايف نفسه عمل حاجة بسيطة مش مستهلة إن الله يعاقبه عليها وياخد المُلك منه . مش مهم أنت ابتديت مع الرب إزاي، المهم بتعيش إزاي معاه ؟؟....  جدعون .. سفر القضاة 6 جدعون كان أصغر واحد في بيت أبوه، وعيلته مش بس صغيرة لكن بيقول عليها الذُّلى يعني أضعف واحدة بين الأسباط كلهم، وكان من كُتر خوفه بينظف القمح في مكان مقفول وماحدش شايفه ، وبرغم كل ده جدعون اتشجع وبعد محاولات كتيرة مع ربنا ابتدى يصدّق أن الله هايقدر يعمل بيه انتصار كبير للشعب، واختار يمشي سكة الانتصار دي، وقد كان .. حتى لو أنت شايف نفسك قليل وصغير، لو صدقت في كلام ربنا اللي قاله هاتعمل حاجات عظيمة زي جدعون..  راحاب .. يشوع 2 أول لما بنشوف اسمها بيجي في دماغنا إيه؟! . . على طول بنفتكر راحاب الزانية مع إن هي عملت حاجة مهمة جدًا وعظيمة لشعب الله، نجّت الجواسيس اللي دخلوا عندها من حراس الملك، وكانت مُعرضة للخطر علشانهم، علشان بس صدقت أن الله مع شعب اسرائيل ووثقت في كلام الجاسوسين أنها هاتنجى هي وبيتها كله وكانت العلامة مجرد حبل هاتنزله من الشباك .. رغم انها وحشة وهي عارفه ده كويس إلا ان اللي عملته ده دليل وايمان قوى على ثقتها في اله اسرائيل ..  جليات .. صموئيل الأول 17 دايمًا يتقال عليه جليات الجبار .. هو فعلا كان جبار طوله حوالي 3 متر و20 سم ، ولبسه كان تقيل وكله نحاس، وكان بيمشي قدامه واحد علشان يشيل بس الدرع بتاعه ، وكان دايمًا شايف ان مفيش حد أقوى منه أو يقدر يغلبه ، ورغم كده جه داود هزمه وقتله كمان !! الانتصار ماكانش علشان شطارة داود، لكن علشان ثقته في إلهه اللي كان معاه وحماه من مواقف كتير قبل كده كانت صعبة ، لما داود اختار يثق في الله ويسمع كلامه انتصر على جليات الجبار .. |
|
11 - 12 - 2018, 11:57 AM
|
رقم المشاركة : ( 2 ) | ||||
|
† Admin Woman †
|
رد: قيس نفسك على تعاليم يسوع
الانتصار ماكانش علشان شطارة داود،
لكن علشان ثقته في إلهه اللي كان معاه وحماه من مواقف كتير قبل كده كانت صعبة ، لما داود اختار يثق في الله ويسمع كلامه انتصر على جليات الجبار .. مش مقياس ( قيس نفسك على تعاليم يسوع ) |
||||
 |
|
العرض العادي
