صوم الميلاد في اكتر من معنى

walaa farouk · رقم المشاركة : ( 1 ) 24 - 11 - 2018, 10:25 PM

ولاده التكريس
صمت للتقديس
تحقيق وجود العريس
وجع لكن الله ونيس
ولاده للتخليص
١..#ولاده_التكريس
بشاره ولاده يوحنا.. والله عاوز مننا في الصوم أن التكريس
يتولد في قلبنا الأول لأن التكريس هو التهيئة لوجود المسيح في حياتنا..
كرس قلبك.. كرس حواسك.. كرس وقتك. علشان تهيئ الطريق لدخول الله في حياتك

٢.#صمت_للتقديس
وهنا صمت زكريا لأنه مصدقش البشاره..
ربنا مش عاوزك تتكلم كتير كلمات سلبيه تفقدك إيمانك ولا ترد على حد بيكلمك كلام تفقد به إيمانك
.. فالله في الصوم بيدعوك للصمت لحد ما تشوف بعينك وعد الله بيتحقق في حياتك
وساعتها هايفتح لسانك بالبركه عن عظمه الله زي زكريا الكاهن

٣.#تحقيق_وجود_العريس
وهنا بشاره الملاك لامنا العدرا. وهنا الله بيقولك انا يحقق وعدي اني هاكون معاك الله معنا..
تحقيق وجود العريس السماوي ويقولك انا جنبك ومش سايبك
. وجودي جواك لأن ده وعد هانا معكم كل الايام

٤.#وجع_لكن_الله_ونيس.
وهنا رغم أن الله قال انا معاك لكن الولاده قبلها في وجع..
وجع انك ماتتفهمش من اقرب ما ليك زي يوسف لما شك في العدرا.
وجع انك ماتلاقيش مكان علشان فرحتك تتولد.. لكن وسط كل ده الله ونيس لرحلتك الصعبه

٥.#ولاده_للتخليص
.وبعد كل ده يجي خلاص الله لمنتظريه. فالله بيقول في الصوم اتعلم الصبر الذي يصبر للمنتهي فهذا يخلص.
. مهما شوفت من ألم اصبر المرأة وهي تلد بتخاف وتتوجع لأن ساعتها جات لكن
لما الابن يجي لا تعود تتذكر الشده بسبب الفرح.. اصبر على وجعك وتعبك لأنه خلاصه قريب من خائفيه
((كل صوم ميلاد وانتوا بالف خير وماليانين نعمه))

Mary Naeem · 25 - 11 - 2018, 11:12 AM

كل صوم ميلاد وانتوا بالف خير وماليانين نعمه