توفير واقتصاد لستات الشاطرة

[توتا كمال]

#ادمن #ميرو
تعالي ياشاطرة منك ليها اقولك.نحاول نوفر شوية مع بعض😍

🍝الفينو كتير عندنا ايام المدارس بدال مترمي نشفي اطحني بطتي وحطي علي بابريكا توم بودر وبصل بودر وفلفل وملح وكاري وشطه لو عايزاه حار هيبقا احلا من الفيجيتار الجاهز وغالي وخلاص

🍛الفراخ لما تجبيها يا شاطرة منك ليها لمي كركبها😂 وطبعا كلنا عارفين الكراكيب متعملليش فيها جايه من بوركينا فاسو. وحوشيها في الفريزر ممكن تعملي عليها اكله يا بطه لما مصروف البيت يقصر معاكي

🍝الطحينه غاليا اوي يا ..... ومبنستغناش عنها اعمليها في البيت والطريقه ماليا جوجل والفول غالي دمسي في البيت هيوفر معاكي

🍛بصي يا شاطرةاعملي جدول لاكلاتك حسب مصروفك لو شهري او اسبوعي واكتبي اكلة اليوم واكتبي طلباتها وطلبات كل الاكلات وانزلي هاتيهم بدال متنزلي السوق كل شويه

🍝لو سلقتي فرخه او لحمه وفاض شوربه اوعي ترميها ممكن تعملي عليها صنيه بطاطس او صنيه كوسه وتدخليها الفرن مع شويه ارز وتبقا اكلا موفرة مش لازم يعني فراخ ولحمه

🍛كلنا بيفيض من اصناف الاكل اللي بنعملها اوعي ترميها احنا خلاص تقريبا في الشتااا ومفيش حاجه بتحمض يعني جمعي البواقي كلها واعملي جمبها شويه بتنجان مخلل ولو حابه شويه رز هتبقا اكله وكدة يبقا وفرانا يوم لو مصروفك قرب يخلص

🍝اعملي يوم اكله شعبي شويه شكشوكه طماطم بصل بيض وشويه غنوج وشويه جرجير وشويه بتنجان مقلي ونزق اليوم مع بعض يا بطاط.

🍛مش لازم كل متعملي المكرونه تعملي معاها بانيه
حمري بصله صغيرة وحطي عليها فص توم وشويه بابريكا وشويه توم وبصل بورد وفلفل وملح وارمي عليها شويه عصير طماطم وشويه مايه ومكعب مرقه واول متغلي ارمي عليها المكروةنه وطبعا المكرونه مش هتكون مسلوقا واول متتشرب وطي عليها والله طعمها تحفه والعيال هيكلوها وحمري جمبها شويه بطاطس واحدة هتقولي البطاطس غالية معلشي يااختي كيلو للغدااا مش مشكله وبرضو كدة هتبقا اكلا موفرة

🍝هاتي.كيلو بطاطس صغيرة للسليق واسلقيها واهرسيها وتبليها كويس واعمليها اقراص زي الطعميه وحطيها في البيض وبعدين طلعيها حطيها في البقسماط او الفيجتار ايلي انتي عملاه في البيت يا بطه وحطي جمبها شرايح خيار وجرجير ولو حابه شويه مكرونه محمرة وبرضو اكله موفرة

[Mary Naeem]

شكرا على النصائح
ربنا يباركك