ح ينصفك حتي لو اتغلبت

[walaa farouk]

فيه مواضيع بنيجي فيها علي نفسنا شوية أو حتي كتير ..
واحد ظلمك أو أهانك أو غلبك في الكلام
، و لأنك قليل الحيلة طلعت مقهور و ما عرفتش تاخد حقك ..

ما تشيلش في نفسك ، و اوعي تعيد الحكاية تاني في عقلك لحد ما نفسيتك تتعب ؛ و تقعد تقول: ياربتني قلت أو عملت ..
ربنا عارف انك طيب و مش قد الناس المتعبة القلابة القاسية؛
الناس اللي مكان قلبها فيه حجر ما بيحسش،
و ما بتعرفش حجم الالم اللي بتسيبه في غيرها
بسبب كلامها اللي بيدبح من غير رحمة..

هو ح ينصفك ، لأنه عارف انك مش قدهم و لا قد عنفهم و لا شرهم ..
ح يسكتهم و يدوقهم نفس الكاس فيحلوا عنك
، أو يلهيهم في مشاكل اكبر ، أو يظهر حقك أمام الكل
، أو يخليهم يعرفوا انهم غلطوا بطريقته..

و أحيانا كله بتحل من باب ما توقعتوش
، و ربنا عنده كل الأبواب بمفاتيحها: يفتح لك اللي عاوزه
و يقفل لك اللي عاوزه ..

ح ينصفك و يجبر بخاطرك يا صديقي ، اطمن..

[Mary Naeem]

ح ينصفك و يجبر بخاطرك يا صديقي ، اطمن

رووووووووووعة حببتي
ربنا يفرح قلبك

[مورا مرمر]

ح ينصفك و يجبر بخاطرك يا صديقي ، اطمن..

اميييين
ربنا يفرح قلبك حبيبتى

[walaa farouk]

ميرسى على مروركم الغالى

[اوفا]

ح ينصفك و يجبر بخاطرك يا صديقي ، اطمن..

[سندريلا الحياة]

كلام جميل جدا وحقيقي

[walaa farouk]

ميرسى على مروركم الغالى