كنسيتنا لسه فيها شهداء ‘باسمهم بتحصل معجزات

[بنت معلم الاجيال]

انا وعدت الشهيد بيشوي ان لازم اكتب المعجزه دي احنا كنسيتنا لسه فيها شهداء ‘باسمهم بتحصل معجزات الحكايه بدات من كام شهر ان اخويا كان عنده مغص مستمر وضهره ‘وجعه وكان عنده ترجيع باستمرار لفينا علي كل الدكاتره هو اصلا مريض كانسر من اكتر من سنتين وبياخد كيماوي اللي يقول عنده حصوه علي الكلي ونقعد نعمل اشاعات وتحاليل ويطلع مافيش حاجه واللي يقول من اثار الكيماوي وبردو ولا حاجه لحد ما دخل المستشفي من كتر الترجيع وقله الاكل جاله جفاف اتحجز في المستشفي لحد ما الدكتور اكتشف ان في ضيق عنده في الامعاء عملنا منظار والدكتور قالنا ان احتمال يكون ورم ضاغط علي الامعاء وطلع منه عينه كنا في حاله انهيار تام وان خلاص توقعنا انه انتشر في جسمه قعدنا نصلي ونطلب شفاعه شهدنا الكبير ولحد ما ظهرت نتيجه العينه انه ورم حميد بس من النوع اللي بيقلب ولازم يتشال رحنا لدكتور الجراحه قال انه في مكان صعب جدا يتشال وكان كل همه ان لازم معدته تشتغل فقال انه هيقص الحته اللي فيها الضيق ويعملها وصله مع الامعاء صلينا وطلبنا من شهيدنا وقولتله اقف معانا لحد ما دخل اوضه العمليات وكانت المفاجاه ان الدكتور استغرب ان اصلا مافيش ورم ولا اي حاجه ضاغطه غير حاجه بسيطه وعمل وصله صغيره ولا في اي ورم ولا اي حاجه من اللي التحليل طلعه انا بشكرك يا دكتور بيشوي علي وقفتك معانا وبنطلب منك تكمل شفاه