مساء الخير انا حصلت معايا معجزه بشفاعة الشهيد بيشوى القمص دانيال ووعدته اني احكيها انا اسمي هبه زوجه وأم ل3ولاد والظروف المعيشه صعبه فبعتمد على مرتبي في مصاريف المدارس المبالغ فيها بشتغل في شركة من 12سنة العلاقة بيني وبين صاحب الشركة قويه جدا بياخد رأي في كل حاجه و بشترك في صناعة القرار في الشركة وفجأة اتعرضت لوقيعه بيني وبينه والسبب كان أشخاص معايا. في الشغل. وبعد مشاكل كتير قررت اني استقيل وفعلا قدمت الاستقاله وسالت صاحب الشركة أمتي ممكن اسلم الشغل وامشي قالي بعد شهروأنا كنت في أشد احتياج الشغل بس كان عندي إيمان قوي ان ربنا مش هيسبني واتشفعت بالشهيد بيشوى قولتله انا محتاجه الشغل جدا و مش عايزه اسيب شركتي مع ان المشاكل كانت كبيره جدا والمعامله. بيني وبين صاحب الشركة كانت صعبه جدا بس اتشفعت بالشهيد بيشوى وكان عندي إيمان انه هيحل وبدأ العد التنازلي للشهر وأنا عندى إيمان ان المعجزه هتحصل ولحد اليوم قبل الأخير في الشهر لقيت المعجزه صاحب الشركة بيندهلي وبيقولي انتي هتستلمي الشغل الجديد أمتي فسألته شغل جديد ايه حضرتك انا معنديش شغل جديد قالي أمال قدمتي استقالتك ليه فقولتله من المعامله الصعبه اللي شفتها لقيته بيقولي انا مش عارف ازاي حصل كده انا طول عمري بعتبرك زي اختي لو كنت غلط في حقك متزعليش وكملي معانا ده مكانك 😯 اتصدمت وحسيت بمعنى كلمة معجزة كان لازم أبلغ بيها بجد شفاعته قويه جدا شفاعته معانا كلنا امين
08 - 10 - 2018, 04:38 PM
العرض العادي
