شويه نصائح كده للعام الدراسي الجديد

walaa farouk · رقم المشاركة : ( 1 ) 24 - 09 - 2018, 09:40 PM

1..الام👩.. اهدي كده وصلى وكله هايبقي تمام.. عارف هايبقي عليكي مسئوليه زياده.
. شغل.. بيت.. مذاكره.. كميه لامبلاه من الولاد.. النوم اللي بيجي فجاءه..
عالم الفضاء أثناء مذاكره المواد الدراسيه. كل ده صعب.. بس اهدي وارشمي الصليب
وقولي يارب وصلى انتي وولادك قبل المذاكره.. هاتقولي بنصلي بس بيجننوني.

عارف مش مهم اهو الصلاه هاتقلل شويه من العصبيه امال بقى لو مصلتيش.. فالله يكون في عونك
2.الزوج🧔.. حبيب قلبي يا غالي انا حاسس بيك هاترجع من شغلك
هاتلاقي قطع بني ادمين مرميه على الأرض وصوت عالي وحرب
وكشاكيل بتترمي من كل ناحيه.. نصيحه مني بقى اوعي تقول لمراتك ليه كل ده..
براحه على الولاد..المذاكره مش كده.. كل الجمل دي هاتعلي الأداء مع مراتك جدا
وهاتسيب العيال وهاتمسك في حضرتك وهاتقولك عيالك عندك ذاكرلهم انت
وبيبقي شكلنا وحش اوي. فأنت تعمل ايه؟ وانت من على السلم تصلي كده
وتهدي وتخش بابتسامه. وليه يا ولاد بتتعبوا ماما كده..
وتطبطب على مراتك وتقولها حاسس بيكي بس انتي ربنا مديكي نعمه.
ساعتها انت خلصت نفسك وهاترتاح صدقني
👨‍👨‍👧‍👦 ولادنا بقى اللى بيذاكروا سلام البيت بين ايديكوا هاه وانتوا فاهمني طبعا
..ظبطوا كده وقتكوا. واهتموا انكوا تتفوقوا.. بلاش حياه اللامبلاه..ركز.. وصلى..
اقرا الا نجيل قبل ماتذاكر.. علشان خاطري سلام البيت في ايدك 😊
سنه وهاتعدي يا جماعه ونشيل مع بعض ونصلي لبعض.

. بلاش نلوم بعض كتير لو الزوج أو الزوجه قصروا في أي حاجه.. أيدينا في ايد بعض وهاتعدي
سنه دراسيه سعيده..

Mary Naeem · 25 - 09 - 2018, 11:21 AM

اقرا الا نجيل قبل ماتذاكر.. علشان خاطري سلام البيت في ايدك ��
سنه وهاتعدي يا جماعه ونشيل مع بعض ونصلي لبعض.

صح يا قمر
ربنا يباركك حببتي

walaa farouk · 28 - 09 - 2018, 07:41 PM

ميرسى على مرورك الغالى شويه نصائح كده للعام الدراسي الجديد