"ليئة " المظلومة البريئة"

[walaa farouk]

التمثال اللي في الصورة هو تمثال للنحات العالمي مايكل انجلو لشخصية

من الكتاب المقدس وهي شخصية ليئة زوجة يعقوب ابو يوسف.. وهي الزوجة الأولى ليعقوب قبل راحيل..
التمثال موجود في قبر البابا يوليوس التاني بمدينة سان بيترو.
كل مرة قريت فيه قصة يعقوب العاشق لراحيل ولابان المخادع .

.لابان اللي ضحك على يعقوب وجوزوه ليئة بدل راحيل .. كل مرة بحس بالشفقة ناحية ليئة ..
تخيل انت شخص موهوم ببنت معينة وروحت اتقدمت وباباها وافق.. وبعدين خدعك
وجوزك اختها "الغير جميلة في نظر المجتمع"..وبعدين قالك لو عايز البنت الحلوة اللي بتحبها.

. اشتغل عندي 7 سنين كمان عشان اجوزهالك!
.
كل مرة بتخيل شعور ليئة الحزين والإحساس المرير وهي بتتزف لعريسها يعقوب ..

شعور انها مجرد سد خانة بدل الاخت الاحلى.. تخيل ان كل الناس عارفة

وبتشاور وبتتهامس انك الاخت الوحشة اللي اتاخدت عشان تصبر العريس لحد ما ياخد الاخت الحلوة..
تخيل مدة 7 سنين وخلفة اولاد كتير لجوزك.. كل ده عايشة بشعور مؤلم

ان جوزك لسه بيفكر في حد تاني وقلبه مع حد تاني.. ومستني يجي اليوم اللي هيكون مع الحد التاني ده!
.
تخيل انه بعد السنين دي يتجوز عليها اختها كمان..
.
تخيل بقى ان اختها دي بتخلف طفلين هم يوسف وبنيامين وبتموت وهي بتولد الأخير

.. فتقرر الزوجة الاولى المكلومة انها تهتم بالطفلين وتضمهم لصدرها

وتعتني بيهم احسن عناية لدرجة انها كانت بتفضلهم على اخواتهم (اللي هم اولاد بطنها)..
..
انا دايمًا ببص لليئة نظرة البطلة الشجاعة اللي استحملت

مشاعر أليمة وانكسار وظلم معنوي وتعيّير كتير من كل اللي حواليها بسبب عدم جمالها النسبي..

الجندي المجهول اللي ربي يوسف الصديق على الأخلاق والأمانة

..اللي اهتم بطفلين رضيعيين ملهمش اي ذنب في صراع الاباء والأجداد..
..

ليئة كم أنتِ جميلة .. ليس بعيون المجتمع القاسي..
لكن بعيون الحب .. قد صرتي مثال لكل ما هو جميل ومُضحي..
ليئة كم أنتِ شجاعة .. ليس لصبرك وتحملك فقط..
لكن لكونك شخص أصيل قدم المحبة النقية دون مقابل..

[Mary Naeem]

ليئة كم أنتِ جميلة .. ليس بعيون المجتمع القاسي..
لكن بعيون الحب .. قد صرتي مثال لكل ما هو جميل ومُضحي..
ليئة كم أنتِ شجاعة .. ليس لصبرك وتحملك فقط..
لكن لكونك شخص أصيل قدم المحبة النقية دون مقابل..
ربنا يبارك حياتك