|
 |
 |
 |
|
رقم المشاركة : ( 1 )
21 - 08 - 2018, 07:46 AM
|
|||||||||||
|
|||||||||||
 فكّر في اكتر حد بتحبه في الدنيا، بتحبه بجد، من كل قلبك، غالباً هو جيه في دماغك دلوقتي و انت بتقرا، هو الحد ده، لو قالك : انا عاوز .... او انا محتاج ..... او انا بتمنّي ..... او انا نفسي .... هيكون رد فعلك علي كلامه ايه ؟ غالباً، و لو المحبه حقيقيه، هتتحوّل كلّك لشعلة نار عشان تحققله طلبه او تلبّيله احتياجه و هتتعب و انت فرحان عشان تريّحه.. و هتبقي بتتمني يطلب.. يطلب بس عشان توريله طاقة حبّك في افعال .. و غالباً، كلنا عشنا مواقف جرّبنا فيها محبّة الفعل لمّا يبقي اللي قدامك محتاج حاجه .. او عبّر عن حاجه فلاقيت سعاده خاصه كده في انك تشوف جمال رد فعله من انّك حققتهاله ... ده علي مستوي علاقاتنا البشريه .. رغم كل ما في العلاقات، من نقص، و تقلُّب، و قصور، و تغيُّرات، و تعقيدات .. فكم و كم ؟ علي مستوي العلاقه باللّه ! كل واحد فينا زي ماهوّ، هو " اكتر حد بيتحب من قلب ربنا " انا " بتحَب " من ربنا، بشكل شخصي، مميّز، و فريد .. هو بيحبّني .. فإن كان البشر علي ما هم عليه، لمّا بيحبّوا بجد بيخطّطوا، و يرتّبوا، و يعملوا مفاجآة، و يتعبوا في التحضيرات، و يدّوا الحاجه وقتها عشان تطلع بأفضل صوره علي قد ما بيحبوا اللي بيعملوا كل ده علشانه ! من اجل بس انه يفرح، لانه بيتحب منهم و كل سعادة و كل كمال قَلب المُحِبْ في شِبَعْ قلب المَحبوب ... فكم و كم ؟ اللي ربنا بيعمله لكل انسان فينا ! يمكن نفكّر في اللي عاوزينه، و اللي محتاجينه، و اللي بنتمنّاه، و نستغرب ان ربنا سايبنا عاوزين و محتاجين و بنتمنّي ! لحظات ضعف و غالباً كلنا عدّينا و بنعدي و هنعدّي عليها .. وقتها محتاجين بس نقف و نفكّر نفسنا اننّا " بنتحب " انّنا محبوبين فعلاً ! محبوبين محبه كامله لانها طالعه من قلب كامل .. محبوبين بغض النظر عن ما احنا عليه، عيوبنا، ضعفاتنا، نقصنا، تفاصيلنا البايخه، و نفسيّاتنا بكل معالمها، افكارنا بأي مغلوطات فيها، محبوبين رغم اي حاجه ممكن نمسك فيها بحجّة اننا صعب نتحب بسببها .. ربنا بيحبّنا علي ما احنا عليه، و بيعمّل عشانّا بقدرته الإلهيه، اللي احنا بنحس اننا لمسنا السما لمّا نعيشه علي مستوي بشري! بيخطط، و بيرتّب، و بيحضّر مفاجآت، و بيدّي كل حاجه وقتها عشان تطلع بأفضل صوره علي قد ما بيحب كل واحد فينا .. بشكل شخصي : علي قد ما بيحبّني ! افتكر دايماً، ان لو ربنا فكّر في اكتر حد بيحبه في الدنيا هيفكّر فيك ! اللّه بيحِب .. اللّه يَعمَل! . 
|
|
21 - 08 - 2018, 08:05 AM
|
رقم المشاركة : ( 2 ) | ||||
|
..::| الإدارة العامة |::..
|
رد: هو بيحبّني
افتكر دايماً،
ان لو ربنا فكّر في اكتر حد بيحبه في الدنيا هيفكّر فيك ! اللّه بيحِب .. اللّه يَعمَل ميرسي على الموضوع الجميل ربنا يفرح قلبك |
||||
|
|
|
07 - 10 - 2018, 10:08 AM
|
رقم المشاركة : ( 3 ) | ||||
|
..::| الاشراف العام |::..
|
رد: هو بيحبّني
ميرسى لمرورك الغالى
 |
||||
|
|
|
08 - 10 - 2018, 06:11 PM
|
رقم المشاركة : ( 4 ) | ||||
|
† Admin Woman †
|
رد: هو بيحبّني
افتكر دايماً،
ان لو ربنا فكّر في اكتر حد بيحبه في الدنيا هيفكّر فيك ! اللّه بيحِب .. اللّه يَعمَل! . رووووووووووعة حببتي ربنا يفرح قلبك |
||||
|
|
|
10 - 11 - 2018, 08:25 AM
|
رقم المشاركة : ( 5 ) | ||||
|
..::| الاشراف العام |::..
|
رد: هو بيحبّني
ميرسى لمرورك الغالى
|
||||
|
|
|
16 - 03 - 2019, 08:13 AM
|
رقم المشاركة : ( 8 ) | ||||
|
..::| الاشراف العام |::..
|
رد: هو بيحبّني
ميرسى لمروركم الغالى
|
||||
|
|
العرض العادي
