من كام سنة كان فى فيلم أجنبي بيحكي عن راجل عنده مشكلة في كتافه بتخليه يمشي بإنحناءة طول الوقت .
لف على دكاترة كتير عشان يعرف السبب ومحدش قادر يعرف السبب .
وفي مرة بيتصور لقى في الصورة ست متعلقة في كتافه .. يبص على المراية ميلاقيهاش .. يرجع يتصور يلاقي الست متعلقة على كتافه . ( كانت بتظهر له بس في الصور ) .
بيحصل (فلاش باك ) وبنعرف ان الست دي هو عمل فيها (شئ ما) مؤذي , خلى روحها بعد ما ماتت فضلت متعلقة في رقبته .
بالرغم إن الفيلم لأول وهلة يبان خيالي , الا انه هو واقعي جدااا .. أي حد بتأذيه وبيفضل متضرر بأذاك , ذنبه هيفضل متعلق في رقبتك ليوم الدين , ولو عندك شوية ضمير ,, ضميرك هيفضل يوجعك العمر كله وهتبقى عايش مش مستريح .
متخيل لو الناس اللي بنأذيها نفسيًا أو عاطفيًا أو ماديًا أو جسديًا ... الخ روحهم بيتعلقوا في رقبتنا , هنلاقي كام روح متعلقة فينا
17 - 08 - 2018, 08:22 AM
رد: كام روح متعلقة فينا
العرض العادي
