مين اللى خلق يا ابنى؟؟

[Magdy Monir]

مين اللى خلق يا ابنى؟؟


مستر تومسون ملحد الى النخاع ملحد لا غش فيه
راح مرة الصعيد سنة 1855 وكان يرفض وجود الله تماما دخل كنيسة جبل الطير لقى الناس كتير جدا
مستر تومسون: ايه انتوا ناس مجانين!!!!؟ فين هو الله؟؟ لو موجود يكلمنى؟؟؟؟
ابونا شيشوى : الله هو اللى خلق يا ولدى
تومسون: لا يوجد الله لو موجود يكلمنى؟؟؟
ابونا شيشوى : هو مين اللى خلق؟؟
تومسون: لو فى اله كان حماك من المرض والفقر
مستر تومسون شكك معظم الناس مع الاسف
الناس بدءوا يسمعوا كلامه
ولكن حدث اتفاق ان يكون فى مناظرة بنهم وكل واحد يقول رايه للشعب
ابونا يثبت ان الله موجود او تومسون يسبت فكرة الالحاد
معاد المناظرة يوم الحد الساعة 12 الظهر
كل الناس جات وتومسون جاهز بالردود واهل البلد كلهم عاوز يعرفوا مين اللى صح
جات الساعة 12 وابونا شيشوى ماجاش الساعة 12:30 ابونا شيشوى ما وصلش 1:00 وابونا متاخر الناس قلقنين
الناس : ايه الموضوع ابونا هرب ولا ايه؟؟؟ وبدأت الناس تصدق كلام مستر تومسون
تومسون : صدقتوا انى انا صح ابونا بتاعكم فين؟؟؟ ده هرب....مش قادر يواجهنى لا يوجد الله
فجاة لقوا ابونا جى من بعيد وهو مبتسم الكل ساكت!!!؟
ابونا شيشوى : انا اسف يا اولادى اتاخرت عليكم
تومسون : ها ...قول بقى انك بتهرب منى

ابونا شيشوى: لا يا ولدى اصلى كنت واقف على الضفة التانية من النهر ومالقتش مركب توصلنى

الناس : ها وبعدين
وقفت على الشاطى وفجاة فجاة
الناس: ها كمل يا ابونا
ابونا شيشوى : فجاة لقيت حبت الواح خشب وحطب فى النهر واتجمعوا وحديهم على شكل مركب
وركبت علي الواح الخشب اللى بقت عاملة زى المركب وعديت النهر
الكل مستعجب
تومسون : انت كداب يا ابونا ... ازى حبة حطب وخشب يتجمعوا ويعملوا مركب من غير ما حد يصنعوه؟؟؟ ده مستحيل انت كداب!!؟؟
ابونا : انت يا ولدى بتستعجب من ان الحطب يبقى مركب من غير ما حد يصنعه ومش مستعجب ان الكون العظيم ده يكون موجود من غير ما حد يصنعه؟؟؟؟؟؟؟؟؟؟؟؟؟؟؟؟؟؟؟؟؟؟؟؟
المركب ولا الكون؟؟؟؟
ما قدرش مستر تومسون انه يرد والكل مجدوا الله على حكمة ابونا شيشوى الذى تمجد الله على فمه
سيدى ومخلصى يسوع المسيح
انت الذى خلقت هذا الكون بكلمة من فمك
وخلقتنى يا جبلى عرفنى انى انا صنعت يدك
اجعلنى امجدك على صنعك هذا الكون العظيم بما فيه من مخلوقات عجيبة
انت موجود من الازل ودائم الى الابد
لك كل مجد واكرام امين

[بنتك يايسوع]

ميرسي كتير لموضوعك الجميل
ربنا يعوض تعب محبتك

[Mary Naeem]

شكرا على المشاركة الجميلة
ربنا يفرح قلبك

[Magdy Monir]

شكراً على مروركم الجميل