لما تتخبط جامد بتتالم جامد

[Habat Hinta]

اي حد فينا لما بيتخبط في حاجة جامد بيفضل يتالم جامد ، ﻷنه أصعب ألم اللي ييجي من اقرب ماليك الكلام برضو زي الخبطة لما بيكون صعب بنتالم منه جامد
بس لو اقرب ما ليك هو اللي خبطك بالكلام
وكل ما هتبص في وشه تفتكر .
ساعتها هتعمل ايه ، هل هتعاتبه ولا هتتحمل وتكتم وتسكت ؟!

[walaa farouk]

بصى ما هو علشان اقرب مالينا يبقى لازم يبقى فيه عتاب

العتاب هو اقصر الطرق انما الكتمان بيكتر الزعل وبيزود الخصام

[Habat Hinta]

واذا كان عتابك مش هييجي بفايدة
او هيزود يبقي اكيد هتسكتي لانك بتحبيهم

[MenA M.G]

العتاب طبعاً ـ حل كويس

[Habat Hinta]

المشاركة الأصلية كتبت بواسطة mena m.g

العتاب طبعاً ـ حل كويس

نجربه مع ان العتاب اصعب من السكوت

[ميرو]

العتاب دة حاليا بقا مالهوش لازمة مش مع الكل بس مع الاغلب
الصمت واتجنب دة للأفضل

[Mary Naeem]

لو الشخص دا انا بقيه عليه اكيد هعاتبه
لكن لو مش فارق مش هتكلم عن أي حاجة

[Habat Hinta]

المشاركة الأصلية كتبت بواسطة mary naeem

لو الشخص دا انا بقيه عليه اكيد هعاتبه
لكن لو مش فارق مش هتكلم عن أي حاجة

عندك حق يا ميرو مبقاش العتاب يأثر

[Habat Hinta]

المشاركة الأصلية كتبت بواسطة mary naeem

لو الشخص دا انا بقيه عليه اكيد هعاتبه
لكن لو مش فارق مش هتكلم عن أي حاجة

للاسف يا مرمر الشخص ده مستحيل تقدري تستغني عنه لانه قريب جدا جدا بس صعب تعاتبيه ومضطرة تسكتي

[sama smsma]

بصى يامرمر على حسب المشكلة

احنا مانعرفش المشكلة وظروفها علشان نقدر نحكم

بس يعنى ف اوقات كتير مالوش لازمة العتاب خالص

لان الشخص اللى بيحب مايهونش عليه الشخص اللى بيحبه انه يزعله

الا لو كان زعل غير مقصود

اللى ف المشكلة بقى هو اللى يقدر يقرر انه مقصود او غير مقصود

لو مش مقصود تحاولى تسامحى زى ما البابا شنودة قال يا تعاتب وتصفى يا تسامح وتنسي

ولو مقصود يبقى برضه ماتعاتبيش وتتغيرى ف المعاملة وتتعاملى بحساب

ولو حابة ترتاحى وتعاتبى عاتبى بس صدقينى مش منه اى فايدة

عارفة يامرمر ممكن اللى مزعلك لو انتى عاتبتيه هايتقلب عليكى ويقولك انتى ازاى اصلا تزعلى منى او تفكرى انى غلطت ف حقك اكيد مش هابقى قاصد

انتى اللى تقدرى تقررى الشخص دة هايقبل العتاب ولا لا من خلال مواقفك معاه