|
 |
 |
 |
|
رقم المشاركة : ( 1 )
02 - 08 - 2018, 06:58 AM
|
|||||||||
|
|||||||||
|
#تعرف_على_أنبا_إبيفانيوس
وبمناسبه اني تعرفت علي سيدنا في 2014 كطالب رهبنه فقد رايت منه ابوة لم ولن اراها ابدااا لذلك ساكتب بعض المقتطفات من واقع تجربتي بدير العظيم انبا مقار اول يوم شفت سيدنا .. حاطط الشال علي راسه لا عمامة الاسقف ولا عصا بيده وجالس علي باب غرفه للضيوف ومفيش حد حواليه اخدني ابونا ...... وقاله ابنك جورج عاوز يترهبن ف كعادتنا لما نشوف اب اسقف نعمل ميطانيه .. قام مسك ايدي ومرضيش ابوس ايده ابدا وقالي بلاش ميطانيه ولا بوس ايدين انا راهب عادي هنا وكان فرحان وبيرحب بيا كانه يعرفني من سنين... وبعد كام يوم دخلت المجمع كطالب رهبنه وكانت المفاجاة مائده الاباء بشكل حرف u يجلسوا الاباء بترتيب الاقدميه في السيامه فيجلس اكبر الاباء علي رأس حرف الu وينتهون باصغر اخ تحت الاختبار فجلست في مكاني كاصغر اخ واذ بسيدنا يدخل ويجلس بجانبي (ما بعد الاخير ) وقدامه طول الصيام طبق فول صغير و5-6 حبات زيتون وكان بيقوم بعد ما نبدا ناكل بثواني فبصيت بخفيه كده اشوف سيدنا اكل ايه في الثواني دي لقيت نوات الزيتون بس اللي اكله اما الفول لم يمد يده عليه والاغرب انه حتي في الخماسين المقدسه ده برضوا كان اسلوب اكله ولما سالت هو سيدنا ليه مش بيقعد مع الاباء الكبار قالولي من ساعه من سيدنا بقا اسقف وهو بيقعد اخر الكل غير انه بيدخل الكنيسه كأي اب راهب بدون رهبه الاباء الاساقفه باديرتهم .. منتظم علي حضور التسبحه .. وجهه بشوش ملائكي ينطق بالحب بدون كلمات و خلال فترة وجودي بالدير زرته في قلايته 3 مرات لم اجده الا فاتح الكتاب المقدس او احد كتب الاباء وجالس يقرأ ويدون ملاحظاته وكانه طالب بيذاكر وبعد فترة من ظروف خاصه جدا ترددت من البقاء في الدير ولا ارجع خدمتي وطلبت من ابونا المسئول اخد بركة سيدنا فاتصل سيدنا وطلب اروحله قلايته وجلسنا سوا ساعه كامله (لن انسي تفاصيلها ابداااا) ... بدات بعباره شوف بقا انا فرحان بالقعده معاك وعاوزك تحكيلي كل حاجة بكل التفاصيل.. قلتله ووقتك يا سيدنا .. قالي الوقت كله بتاعك واعتبرني فاضي ومعنديش في الدير حد غيرك (وتحولت لقعدة 2 اصدقاء علي كرسين عادين بقلاية نيافته) وحسيت اني بحكي مع صديق عمري اللي بقالي زمن مشفتوش ... واذا بارشاد الهي من كائن سمائي جالس معاه وكاني في السما ريحني من كل تعبي ومن حيرتي بعيش بارشاده لحد دلوقتي وانا في قمه الفرح وتفاصيل خاصه كتييييرة هنا مش مكانها تقول انه فعلا ملاك سمائي ورجل صلاه واب مريح متواضع لن يأتي الزمن بمثلك يا سيدنا سيرتك تشهد عنك صلي لاجلنا .. #انبا_ابيفانيوس 
|
|
02 - 08 - 2018, 10:42 AM
|
رقم المشاركة : ( 2 ) | ||||
|
† Admin Woman †
|
رد: تعرف على أنبا إبيفانيوس
اذكرنا امام عرش النعمة يا سيدنا |
||||
|
|
 |
|
العرض العادي
