تحرر من عبودية النظام

[walaa farouk]

فَقَالَ لَهُمَا مَلِكُ مِصْرَ: «لِمَاذَا يَا مُوسَى وَهَارُونُ تُبَطِّلَانِ ٱلشَّعْبَ مِنْ أَعْمَالِهِ؟ اِذْهَبَا إِلَى أَثْقَالِكُمَا».
-خروج 5: 4-
ده كان رد فرعون على موسى وهارون لما قالوله ربنا عايزك تطلق شعبه عشان يعبدوه

. قالهم ما معناه أنتم بتهلوسوا وبتقولوا كلام مش عملي، ارجعوا اشتغلوا وسيبكم من الكلام الفاضي ده.

فرعون بيمثل نظام العالم اللي بيقاوم ربنا، بيقاومه بإنه يشغل وقتنا ومشاعرنا

عشان مانفكرش في بديل للحياة اللي بيقدمها النظام ده. النظام متغلل فينا،

النظام بيقول لينا قعدتك قدام ربنا شيء مش عملي كمل يومك واشغل نفسك بأي حاجة تانية مضمونة.

النظام ده هو اللي بيعيشك في قلق من بكرة وبيحسسك بالنقص

ويقولك أنت كسلان وكل اللي بتعمله مش كافي.
اشجعك تقرأ الأصحاح كله وتتأمل في المعني ده

وتصلى أن ربنا يحررك من عبودية النظام ده.

لِذلِكَ أَقُولُ لَكُمْ: لاَ تَهْتَمُّوا لِحَيَاتِكُمْ بِمَا تَأْكُلُونَ وَبِمَا تَشْرَبُونَ، وَلاَ لأَجْسَادِكُمْ بِمَا تَلْبَسُونَ.

أَلَيْسَتِ الْحَيَاةُ أَفْضَلَ مِنَ الطَّعَامِ، وَالْجَسَدُ أَفْضَلَ مِنَ اللِّبَاسِ؟
- متى 6: 25 -