|
 |
 |
 |
|
رقم المشاركة : ( 1 )
14 - 07 - 2018, 12:04 AM
|
|||||||||||
|
|||||||||||
|
"احْمِلُوا سِلاَحَ اللهِ الْكَامِلَ لِكَيْ تَقْدِرُوا أَنْ تُقَاوِمُوا فِي الْيَوْمِ الشِّرِّيرِ" لأن حربنا مش حرب عادية، هي حرب روحية مع إبليس ومملكته، الرسول بولس بيشجعنا نكون مستعدين ولابسين أسلحتنا اللي لازم تكون قد الحرب دي هي نفسها الأسلحة اللي كان بيستخدمها المحارب الروماني القديم، الحرب شغالة 💪 والنصرة مضمونة✌️ "  لاَبِسِينَ دِرْعَ الْبِرِّ"  الدرع كان بيصنع من الحديد أو البرونز، ومقسم لأربع أجزاء اتنين لحماية كل كتف واتنين لحماية الصدر ، وكل الأجزاء موصولة معًا ومتثبتة بأحزمة جلد كان بيحمي منطقة الصدر والقلب من الهجمات بالظبط ده اللي بيحصل معانا في الحرب الروحية، مهما قدم إبليس ضدنا شكاوي، الله دايما بيشوفنا أبرار في دم المسيح.  " حَامِلِينَ فَوْقَ الْكُلِّ تُرْسَ الإِيمَانِ، الَّذِي بِهِ تَقْدِرُونَ أَنْ تُطْفِئُوا جَمِيعَ سِهَامِ الشِّرِّيرِ الْمُلْتَهِبَةِ" كان الترس مصنوع من البرونز، ويستخدم لحماية الجسم بالكامل والظهر أيضا، ولذلك كان يصنع مقوس، وكان يرسم عليه شعار الجيش . يستخدمه المحاربين وخاصة في صفوف كحائط، لصد السهام الموجهة من جيش العدو. زي إيماننا اللي بيحمينا من كل سهام بيسددها إبليس ضدنا. "سَيْفَ الرُّوحِ الَّذِي هُوَ كَلِمَةُ اللهِ"  وكان المحارب بيمسك السيف باليد اليمنى، وعلشان كده كان بيتشال في جراب جلدي يتدلى إما من الكتف أو من الحزام، ومش بس كان بيستخدمه في المهاجمة والدفاع عن نفسه ، لكن كمان كان ينفع يستخدمه في التلويح كعلامة تحذيرية. في حربنا الروحية، كلمة الله هي بالظبط السيف اللي مش بس بنحذر بيه إبليس، إحنا كمان بنقدر نهاجمه ونقاومه، فيهرب منّا. "مُمَنْطِقِينَ أَحْقَاءَكُمْ بِالْحَقِّ"  الأحقاء كانت بتمنطق بالحزام, اللي بيكون مصنوع من جلد، وبيتلبس فوق السترة اللي في الغالب بتكون مصنوعة من صوف أو وبر، وكان بيتدلى منه رقائق معدنية مصنوعة من البرونز، لحماية المنطقة أسفل الخصر وكان فيه مكان للسيف والخنجر، وكان بيثبت برضه السترة البرونزية اللي بيلبسها المحارب فوق الملابس. وكان ممنوع يقلعه حتى لو ممكن يقلع أي جزء تاني من أسلحته ، تمام زي الحق اللي مش ممكن نتخلى عنه أو نفرط فيه أبدًا. "حَاذِينَ أَرْجُلَكُمْ بِاسْتِعْدَادِ إِنْجِيلِ السَّلاَمِ"  وكان الحذاء مصنوع من جلد اللي بيكون على شكل سيور بتتلف على القدم، و كان النعل مصنوع من جلد مزود بأحجار علشان تزيد من قوة النعل وكمان علشان تكون السيور مشدودة أكتر على القدم، وده كان مهم لتسهيل الحركة وتنظيمها في خطوة مارش واحدة. نفس الفكرة .. مهما اختلفت أفكارنا واتجاهاتنا بيفضل الإنجيل المرجع اللي دايمًا متفقين عليه وبيجمعنا. " وَخُذُوا خُوذَةَ الْخَلاَصِ"  كانت الخوذة مصنوعة من الحديد، ومبطنة من الداخل بالجلد ، والقمة بتصنع من شعر الخيل المجفف وبتختلف حسب رتبة المحارب كان بينزل من الخوذة أجزاء لحماية الوجنتين والرقبة من الخلف في حربنا مع إبليس, مش هانقدر نمنع إنه يهاجمنا بالأفكار الشريرة ، لكن خوذة الخلاص هاتحمينا من سيطرة الأفكار الشريرة دي على أذهاننا 
|
|
14 - 07 - 2018, 10:49 AM
|
رقم المشاركة : ( 2 ) | ||||
|
† Admin Woman †
|
رد: "احْمِلُوا سِلاَحَ اللهِ الْكَامِلَ
في حربنا مع إبليس, مش هانقدر نمنع إنه يهاجمنا بالأفكار الشريرة
، لكن خوذة الخلاص هاتحمينا من سيطرة الأفكار الشريرة دي على أذهاننا موضوع مميز ربنا يباركك |
||||
|
|
|
14 - 07 - 2018, 07:41 PM
|
رقم المشاركة : ( 3 ) | ||||
|
..::| الإدارة العامة |::..
|
رد: "احْمِلُوا سِلاَحَ اللهِ الْكَامِلَ
ميرسى على مرورك الغالى  |
||||
|
|
 |
|
العرض العادي
