|
 |
 |
 |
|
رقم المشاركة : ( 1 )
08 - 07 - 2018, 08:31 AM
|
|||||||||||
|
|||||||||||
 في مرحلة من مراحل عمرك ناس بتقول عليها المنتصف المميت هتقف محتار و تسأل نفسك أنا مين ..؟!! أنا الإنسان الهادي اللي بحب الخير وكان دايماً يدور عليه ويحاول يعمله بالرغم من إن ناس كتيرة حاولت تحبطني ... أنا الإنسان اللي حاول يدور علي الحب بكل صدق ويعيش بعفوية من غير ما يشيل هم بكرا .. ولا ياتري أنا القوي اللي مليان جبروت .. اللي بيدوس علي أي ألم بكل قوة .. اللي بيغلط كل غلطة وغلطة ويقول مش مشكلة أنا بتعلم وكلنا بنغلط .. ولا أنا الظالم الكداب .. انا اللي خنت مشاعر غيري وظلمت .. انا اللي كدبت ... انا اللي جواه ركن مظلم أوي محدش يعرف عنه اي حاجة غير أنا وبس .. بس الركن ده تاعبني أوي ونفسي أنسى كل ذكرى جواه ... عايز انسي علشان كنت بحلل كل حاجة وكل غلطة لنفسي .. ولا أنا اللي بقيت أناني غصب عني علشان زهقت من عدم الإهتمام من ناس كنت فاكرهم قريبين بس كل تعاملاتهم معايا كانت بتثبت غير كدا فبقيت أفكر لوحدي وآخد قراراتي لوحدي ... ولا انا الشخصية اللى كنت عاوز أعمل كل حاجة بمثالية شديدة لدرجة أني دمرت نفسي علشان رسمت حياة خيالية فكنت بخبي كتير علشان محدش يزعل مني لحد ما اكتشفت اني كنت عايش غلط ونفسي راحت مني ... طب أنا كنت صح ولا غلط .... آآآ ياريتني أرجع طفل مش شايل هم أي حاجة !! مفيش انسان كامل ولا انسان مبيغلطش وكل واحد فينا جواه علي الأقل 3 شخصيات بيحاربوا بعض .. الموضوع مش موضوع صراع عقل وقلب .. لأ ده صراع بين تربية ومبادئ وواقع شايفينه زبالة وكل حاجة فيها مباحة وخلقت جوانا شيزوفرينيا فكرية ... وال 3 شخصيات دول واحد فيهم طفل يحب يلعب ويتنطط ويتمرد وبيطلع جوانا لما بنكبر في حالة الوصول للعشق ... بنتحول تاني لأطفال .. أو في حالة الوصول لسن العجز .. برضه بنتحول لأطفال ... والشخصية الثانية شخصية تعتمد على المشاعر ... وعلي حسب الطفل اللي جواك هتكون .. يعني لو طفل متمرد هتبقي شخصيتك هنا قاسية ولو طفل بيحب يعمل كل حاجة براحته هتكون عفوي ومليان عشم .. أما الشخصية الثالثة فهي شخصية عملية بحتة ... كل حاجة بالعقل ... زي آلة مبرمجة على الصح وقوانين ومبادئ ودي اللي بتخليك كل ما تغلط تبقي عايز تجلد نفسك ... الشخصية دي هي اللي بتبني الركن المنعزل جواك واللي بتخبي فيه كل أسرارك واخطائك و هفواتك .. وزي ما قلت هكرر تاني علي حسب الحالة والموقف شخصية واحدة بس اللي بتطلع بس المشكلة أنك لما تقعد لوحدك بالليل ال3 شخصيات بيحاسبوا بعض !!! لازم تقعد مع نفسك ... تمسك كل حاجة جواك تعباك وتبتدي تسأل نفسك أنا مين في ال 3 مسيطر عليا .. ردود فعلي بتاخد أي شكل منهم .. هات ورقة وقلم و اسأل وجاوب .. شوف مين فيهم اللي تاعبك وحاول تقلل من ردود فعله .. أتعرف علي نفسك عشان تعرف تتعامل ... علشان تعرف تعدي مرحلة المنتصف المميت .. . علشان حياتك تكمل بالشكل الصح ... وعلشان أنت أكيد تستاهل الصح .... 
|
|
08 - 07 - 2018, 06:05 PM
|
رقم المشاركة : ( 2 ) | ||||
|
† Admin Woman †
|
رد: مرحلة المنتصف المميت .. .
أتعرف علي نفسك عشان تعرف تتعامل ...
علشان تعرف تعدي مرحلة المنتصف المميت .. . علشان حياتك تكمل بالشكل الصح ... وعلشان أنت أكيد تستاهل الصح .... رووووووووووعة حببتي ربنا يفرح قلبك |
||||
|
|
|
08 - 07 - 2018, 06:21 PM
|
رقم المشاركة : ( 3 ) | ||||
|
..::| الإدارة العامة |::..
|
رد: مرحلة المنتصف المميت .. .
مشاركة جميلة منك ربنا يبارك تعبك |
||||
|
|
|
20 - 08 - 2018, 07:25 AM
|
رقم المشاركة : ( 5 ) | ||||
|
..::| الاشراف العام |::..
|
رد: مرحلة المنتصف المميت .. .
ميرسى لمروركم الغالى
 |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| مرحلة الطفولة المتأخرة (مرحلة التعليم الابتدائي تقريبًا) |
| مرحلة المنتصف هى البلاء الاعظم |
| اهلا بك فى المنتصف المميت |
| المنتصف المميت |
| تأثير العنف في مرحلة الطفولة وانعكاسه على مرحلة المراهقة |
العرض العادي
