معلومة مش كتير يعرفها

[walaa farouk]

في معلومة كدة انا شخصيا بصراحة مكنتش اعرفها فحبيت اكتبها 😃
الترنيمة الي كلنا حافظينها من زمان "كان في عنقود عنب"

هي فعلا قصة حقيقية بس هي تخص الانبا مكاريوس الصغير او السكندري

مش الانبا مكاريوس الكبير زي ما بنقول في الترنيمة 😃

الانبا مكاريوس السكندري او الصغير هو احد الثلاث مقارات الي دايما بنذكرهم في صلواتنا

و دايما بيحصل لخبطة بينه و بينه القديس مكاريوس الكبير لانه تتلمذ علي ايده

و كانوا اصدقاء و كمان اتنفوا مع بعض بنصح كل الناس تقرا قصته لانها جميلة جدا 😃

الانبا مكاريوس السكندري اسس منطقة رهبانية كبيرة جدا

متقلش اهمية عن منطقة الاسقيط (وادي النطرون )

و هي احد المراكز الرهبانية المهمة جدا في المنطقة الشمالية اسمها منطقة جبل القلالي

و اسسها الانبا انطونيوس و الانبا امونيوس و اختاروا الانبا مكاريوس السكندري يكون اب للمنطقة دي

و كانت عامرة جدا و فيها حوالي ٣٠٠٠ راهب لكن اندثرت بعد دخول العرب مصر

و اتغطت بالرمل و فضلت مندثرة لمدة ١٢٠٠ سنة و الانبا باخوميوس الاسقف الحالي للبحيرة

و الخمس مدن الغربية بذل مجهودات جبارة

و قدر يكتشف المنطقة الاثرية دي بمساعدة بعثات اجنبية و علماء آثار اجانب

و تم بناء دير هناك باسم القديس مكاريوس السكندري و اعاد الحياة الرهبانية

لمنطقة جبل القلالي بعد ما كانت مندثرة و دة من الاستكشافات الاثرية المهمة جدا

بس للاسف محدش يعرف عنها حاجة بنصح كل الناس المهتمة بالآثار القبطية تقرأ عنها

[بنتك يايسوع]

انا كمان اول مره اعرف
ميرسي كتير يا لولو

[walaa farouk]

ميرسى على مرورك الغالى

[Mary Naeem]

بس للاسف محدش يعرف عنها حاجة بنصح كل الناس المهتمة بالآثار القبطية تقرأ عنها

مشاركة جميلة جدا
ربنا يبارك حياتك

[walaa farouk]

ميرسى على مرورك الغالى