| |
|
|
|
|
|
||||||
 |
|
|
أدوات الموضوع | انواع عرض الموضوع |
|
#1
30 - 05 - 2018, 11:30 PM
|
||||
|
||||
 - "إزاى ازهد فى حاجة ممعيش؟ - ياابني دى فضيلة الإستغناء. - وانا كنت استغنيت بمزاجى! - أنا إسمى يئست ومستغنتش! وهو ده موضوعنا، هو فعلاً أنا مش محتاج ولا مجبر على انى محتاجش؟! فيه فرق كبير إن يكون فى إمكانى الحصول على حاجة واستغنى عنها بكامل إرادتى ، وانى أكون مدفوع بشكل قهرى على إنى أستغنى عن الحاجة دى، واللى فى الحالة دى مش بيكون استغناء لأنى فى الأصل مش مالكها! الإحتياج والإستغناء بيكون فى حاجات كتير أوى فى الحياة، لكن اللى هتكلم عنه هو الإستغناء أو عدم الإحتياج للعلاقات وخاصة القريبة منها. مقدرش أقول انك لما تكمل قراءة هتلاقى الحل السحرى للموضوع، لكن اعتبر اننا بنفكر بصوت عالى .. قصدى بصوت مكتوب âک؛يمكن حاجة تنور بشكل أو بآخر. تعالوا نبص حوالينا، كام مرة بنسمع أو بنشوف علاقات "صداقات أو ارتباط..... " بيتقال بعد انتهائها الجمل دى: "مش مهم مش فارق"، "أنا أقدر أعيش من غير ناس حواليا"، "أنا اصلاً كنت عارف إن مفيش حد بيفضل جنب حد" .. وبرضه لما تبص حواليك هتلاقى بقى فيه ناس مش بتفضل أبداً العلاقات القريبة اللى فيها تعود وقرب وانفتاح وود وحميمية. لكنها بقت تميل أكتر للعلاقات البعيدة اللى مفيهاش التزام، وكل واحد محتفظ بأغلب اللى جواه لنفسه. علاقات الخروجات السريعه، والمجموعات الكبيرة الدوشة، علاقات ازيك عامل ايه؟ الحمد لله! ولو فكرنا هو ليه احنا "أو بعض منا" أخدنا الشكل ده من مش فارق أو مش محتاج، اظن هنلاقى ورا ده إننا اتخذلنا، يعنى ناس سابونا واحنا فى أكتر أوقات احتياج ليهم، ناس بعدوا واحنا عمرنا متوقعنا إن ده ممكن يحصل، ناس وجعونا بشكل أو بآخر والوجع ده علم جوانا أوى. وصدى الوجع ده ابتدى يطلع على السطح، وبشكل واعى أو غير واعى قررنا اننا نستغنى ونبقى لوحدنا اكتر ونركز على حاجات بتعزز ده جوانا زى "مزيد من التوقعات تعنى مزيد من الإحباطات" .. وابتدينا ننزل سقف توقعاتنا من اللى حوالينا. وهنا السؤال: هو احنا فعلاً نزلنا سقف توقعاتنا واستغنينا ولا أُجبرنا اننا نستغنى؟! ولا قولنا نحمى نفسنا من خذلان جديد؟ وبرضه بجد احنا مش فارق معانا ولا بنبين إنه مش فارق، لكن من جوانا بنقول ياريت ظننا يخيب فى موقف ونلاقى اللى بنتوقعه واكثر؟! اسئلة الإجابة عليها مش سهل، لأن كل ده تراكم مواقف وأحداث ووجع وخذل. لكن أظن محتاجين نتأكد فعلاً، هو أنا مش محتاج ولا عودت نفسي انى محتاجش؟ وياترى هعرف أعيش كده؟ ولا فيه حته منى بتتاخد شوية بشوية لغاية لما اوصل للتبلد؟! احنا مش محتاجين بجد ولا محتاجين اننا منحتاجش؟ 
|
|
#2
31 - 05 - 2018, 07:28 AM
|
||||
|
||||
|
احنا مش محتاجين بجد ولا محتاجين اننا منحتاجش؟
ربنا يفرح قلبك
|
|
#3
31 - 05 - 2018, 07:57 PM
|
||||
|
||||
|
ميرسى على مرورك الغالى
|
|
|
قد تكون مهتم بالمواضيع التالية ايضاً
|
||||
| الموضوع | كاتب الموضوع | المنتدى | مشاركات | آخر مشاركة |
| أحتاجُ فقط إلى سِلاح مُرخَّص | walaa farouk | النكت والفرفشة | 4 | 03 - 12 - 2018 06:24 PM |
| محتاج لصوتك محتاج رعايتك محتاج تقولى انا جنبك حاسس بحيرتك | Mary Naeem | صورة وتعليق | 4 | 01 - 06 - 2018 09:53 AM |
| أحتاج عوناً يوماً فيوماً أحتاج نوراً أحتاج فهماً | Mary Naeem | موسوعة توبيكات مميزة | 4 | 01 - 06 - 2018 09:53 AM |
| محتاج لصوتك محتاج رعـايتك محتاج تقـولى انـا جنبك حاسس بحيرتك | sama smsma | تصميمات وابداعات الأعضاء | 8 | 29 - 07 - 2013 11:51 AM |
| محتاج صوتك محتاج رعايتك محتاج تقولى أنا حاسس بحيرتك | Magdy Monir | صورة وأية من الكتاب المقدس | 2 | 13 - 07 - 2012 07:05 PM |
العرض العادي
