|
 |
 |
 |
|
رقم المشاركة : ( 1 )
27 - 05 - 2018, 09:58 PM
|
|||||||||||
|
|||||||||||
 مثل الطيب النازل على رأس المسيح على اللحية والى اسفل القدمين المحبة دى.... زى اكنى باجيب طيب واسكبه على المسيح ...اكنى بأطيب جسمه ...ومين هو جسمه غير .. اخواتى +وكل اللى بأعمله مع الناس اكنى باعمله مع المسيح ... يعنى مثلا... اتكلمت أو خدمت او بذلت نفسى ...كل ده اكنى بأعمله للمسيح ...طيب محدش حس ولا قدر ولا شكر ولا شجع ... يبقى ولا يهمنى عشان انا عملت كده للمسيح نفسه وهو هيقدر وهيشجع بطريقته... طيب عملت جميل مع حد والحد ده ماردش الجميل ... يبقى ولا يهمنى ... لانى وانا باعمل كده كنت باعمل كده للمسيح فقط ... وكانى باشوف المسيح فى شخص كل واحد ... +المحبة زى الطيب على كل حتة فى جسم المسيح .... فيه حته فى الجسد غالية ... وفيه حتة فى الجسد صغيرة ويمكن مش باينة قوى .. .المحبة زى الطيب على كل إنسان اعرفه جوه جسد المسيح ... الطيب مش بينقى حتة و حتة ...الطيب مش بيشوف قدامه هينزل على ايه...لغاية الرجلين اللى ممكن يكونوا مش نضاف او مش باينين ...برضه الطيب بينزل عليهم ... خلى محبتك للكل بدون تفرقة حتى لو محدش اظهر لك حب...عشان لو حبينا اللى بيحبونا ويجاملونا ... فاى فضل لنا ... المسيح هيتعطل عندك مش هيبان للناس الباقية ... لانك مش بتقدمه غير لناس قريبين وغالين على قلبك وناس تانى لاء ..... مايبقاش عندك ناس وناس ....بحجة دول اللى مصاحبهم وبيفهمونى وعلطول مع بعض ... +الطيب لما بينزل على حته فى الجسد مجروحة .... الطيب بيؤلمه ... خلى بالك مش كل المحبة اللى هتقدمها للناس بقلب صافى هاتتفهم صح . ..لان فيه حتت فى الجسد مجروحة من زمان ومش بتعرف تستقبل حب ولا بتفهم أن ده حب . ..ممكن تترجم حبك أنه جرح أو إهانة أو تريقة أو شفقة ...وتفهم كل حاجة غلط . ..لان جهاز استقبال الحب عندها فيه مشكلة افضل اسكب طيب بدوافع نقية والجروح اللى فى الناس هتروح لوحدها ...لانك مش مسئول عنها ... هدفنا من العلاقات أن المسيح يبان للناس كلها ...مش بس أنى انا اعيش مبسوط ومرتاح مع الشلة بتاعتى ... لو مش بتسلك كده فى العلاقات ...يبقى محتاج تراجع نفسك ...لئلا تردد كلام باطل فى التسبحة كل يوم ... 
|
|
28 - 05 - 2018, 09:53 AM
|
رقم المشاركة : ( 2 ) | ||||
|
† Admin Woman †
|
رد: المحبة زى الطيب على جسم المسيح
لو مش بتسلك كده فى العلاقات ...يبقى محتاج تراجع نفسك ...لئلا تردد كلام باطل فى التسبحة كل يوم
موضوع مميز ربنا يباركك |
||||
|
|
|
28 - 05 - 2018, 09:37 PM
|
رقم المشاركة : ( 3 ) | ||||
|
..::| الإدارة العامة |::..
|
رد: المحبة زى الطيب على جسم المسيح
ميرسى على مرورك الغالى  |
||||
|
|
 |
|
العرض العادي
