|
 |
 |
 |
|
رقم المشاركة : ( 1 )
20 - 05 - 2018, 09:49 PM
|
|||||||||||
|
|||||||||||
 غسيلنا الـ طبعا إنت أكيد عارف كمالة العنوان وقولته جواك وإنت بتقراه .. بس مش هينفع نكتبه هنا علشان عيب نكتب الكلام ده قدام الناس كده .. لكن عادى نقوله بينا وبين بعض. - أيوة صح يا جدع .. هو ليه فيه حاجات عيب قدام الناس وعادى بينا وبين بعض؟ مش هى عيب دايما ؟؟ = أقولك ليه .. علشان صورتنا قدام الناس أهم من أى حاجة تانى فى الحياة - ياراجل ماتكبرش المواضيع كده .. الموضوع بسيط = طيب هاقولك على شوية حاجات هبله من الموضوع البسيط ده ... ليه فى البيت ينفع نقول الكلام اللى ماينفعش نقوله بره ؟؟ وليه البيت مايتنضفش ونحاول نجمل فيه غير لو فيه ضيوف ؟؟ وليه العزومات فى بيوتنا مبالغ فيها ؟؟ .. لازم نحط كميات أكتر من اللى محتاجينه وأكتر من عدد الناس وأصناف كتير بكميات مهولة وأحيانا بتبقى فوق القدرة المادية!!! طيب مين جاب فكرة رد العزومة ؟؟ ... يعنى إيه المنطق إننا بنتعامل مع حاجة لطيفه زى كده وإن واحد حب يعزم واحد تانى ويكرمه ويعبرله عن حبه بطريقه بسيطة فى صورة عزومة، يقوم التانى بقى لازم يعلى عليه ويعزمه عزومة زيها بالظبط أو أكتر منها .... إيه اللى خلى تصرف لطيف يبتدى يتحول لطريقه فى كسر العين والتباهى على بعض؟؟ ويبقى عيب لو ماردتش العزومة طيب إيه الفكرة إنك تهتم قوى بشياكة وماركة لبسك بره البيت حتى لو كنت جعان جوه بيتك؟؟ طبعا دا غير فكرة الشهادة علشان تتفشخر وتعمل حاجات لمجرد إن حد قريبك عملها وهو مش أحسن منك .. او حد قريبك عمل حاجة والناس إنتقدته فإنت ماتعملهاش علشان ماحدش ينتقدك. بس دى كلها حاجات بسيطة جنب إنك تقعد فى وسط ناس تتدعى الإيمان والأخلاق والمثالية وتتعامل معاهم عن قرب تلاقيهم مختلفين تماما .. او ممكن أحكيلك عن حد مسئول بيقول مبادئ وبعدها يكسر المبادئ دى، وطبعا ماينفعش يبقى غلطان علشان (عيب) هو بابا أو ماما أو قائد دينى أو مدير. بإختصار دايما بتحافظ على القشرة من بره واللى جوه خربان. - إنت كده غالبا قطعتلهم حبل الغسيل كله = لا ابداً .. أصل المشكلة فى كلمة عيب، إننا خليناها طبق سلطة كبير .. حطينا فيه الحاجات اللى فعلا ماينفعش نقولها قدام الناس لانها حاجة ماتخصهمش أو دى أسرار وخصوصيات ... وضيفنا عليه أى حاجة مش عايزين الناس تكتشفها عننا علشان صورتنا ماتتهزش. وبقيت كلمة عيب حبل ننشر عليه غسيلنا الـ*** 
|
|
21 - 05 - 2018, 09:05 AM
|
رقم المشاركة : ( 2 ) | ||||
|
† Admin Woman †
|
رد: غسيلنا الـ
وبقيت كلمة عيب حبل ننشر عليه غسيلنا الـ***\
صح يا قمر ربنا يباركك حببتي |
||||
|
|
|
21 - 05 - 2018, 06:17 PM
|
رقم المشاركة : ( 3 ) | ||||
|
..::| الإدارة العامة |::..
|
رد: غسيلنا الـ
ميرسى على مرورك الغالى  |
||||
|
|
العرض العادي
