زوادة اليوم : عهد النعمة

[souad jaalouk]

زوادة اليوم : عهد النعمة.

بيخبرو عن رجّال توفّت مرتو، وكان عندو ولدين زغار، قرّر يجيب مربّية ت تهتم فيُن. وكان كل يوم يتّصل فيها أكتر من مرّة من الشغل ليسألها شو أكلو الولاد، وشو عملتلُن وشو بدها تعملّن ويوصّيها ويعطيها كلّ الأوامر، وكل هالشي ت يخلّي ولادو مبسوطين. بعد سنة، وشوي شوي، بلّش يحبّ هالمربّية وبعد فترة تجوّزها وما عاد يأمرها ولا يسألها ولا يطلب منها شي، بالوقت يلّي هيّي صارت تعمل كل شي حتّى تفرّحو، وما كانت عم بتعيش متل الماضي حسب الشريعة والقانون، لأنها صارت تتصرّف انطلاقًا من الحب يلّي بقلبها.
الزوّادة بتقلّي وبتقلّك:
«بعلاقتنا مع الرب ما في لا شرائع ولا دساتير، في عهد حب، وهالعهد هوّي يلّي بيخلّينا نتصرّف بكل حريّة، من دون ما نخاف من عقاب، ومن دون ما نطمع بمنصب».والله معكن

[walaa farouk]

ميرسي على زوادة اليوم

[Mary Naeem]

بعلاقتنا مع الرب ما في لا شرائع ولا دساتير، في عهد حب، وهالعهد هوّي يلّي بيخلّينا نتصرّف بكل حريّة، من دون ما نخاف من عقاب، ومن دون ما نطمع بمنصب\
ربنا يبارك حياتك

[sama smsma]

بعلاقتنا مع الرب ما في لا شرائع ولا دساتير، في عهد حب

امييين
ربنا يفرح قلبك