فوار الفواكه مش حاجه ساقعة

[walaa farouk]

فيه ناس بتبلبع فوار الفواكه بشكل مبالغ فيه اكنه بيبسي او كوكاكو
لازم تفهم ان فوار الفواكه ده دوا زي اي دوا ، زي ما هو ليه اغراض علاجيه ، فهو ليه برضه محاذير

ادمان فوار الفروت بيضر المعد
المفروض فوار الفروت او اي فوار للحموضه ما يستخدمش إلا فى حال الشعور بالحموضة الشديدة او الانتفاخ الشديد ، ولو اتكرر الاحساس ده كتير استشير مختص ، انما ما تستسهلش وتاخده من نفسك
فيه ناس بتاخد الفوار لمجرد أنه يريح المعدة ويعالج التخمة
بص هو فعلا الفوار بخواصه وتركيبته بيزيل غازات المعدة، بشكل يحسسك انه دوا سحري يخليك تتعوّد عليه بشكل يومي

خطورة ادمان الفوار
لما توصل معاليك انك مش بتقدر تاكل من غيره
ومعدتك مش بتحس بالراحة إلا بيه ، يبقي كده ادمنته
ادمانه بيزود تركيز المياه بالجسم، وده بيعمل مشكلات كبيرة فى الكليتين، بالإضافة إلى أنها بتزيد من تضخم الجسم وتركز المياه فيه، وده بيزود ضغط الدم، وبيضر الجسم

ايه هو بقي فوار فروت
اعرفكم بقي ع الفوار ده بعد ما شركته
هو فوار لعسر الهضم
وتركيبته بتعيد التوازن الحمضى الطبيعى فى المعدة
حمض السيتريك ، وحمض التارتريك و بيكاربونات الصوديوم (يعني كلها كيماويات يعني مش لعبه)

دواعي الاستعمال

علاج سريع وفعال لعسر الهضم
◀حرقة المعدة
◀اضطراب المعدة والانتفاخات
◀الغثيان

المحاذير
◀يستعمل فقط للبالغين و الاطفال أكبر من 12 سنة
◀ممنوع استعماله أكثر من تلات مرات يوميا وبنصحك مرتين كفايه اوي
◀ الفترة الفاصلة بين الجرعات لازم تبقي اكتر من ساعتين او 3 ساعات و لا يجب تكرار الجرعة قبل مرور ساعتين
◀لا يجب تناول فوار فواكة لاكثر من 14 يوم
◀لا يجب إعطائة للاطفال أقل من 12 سنة

موانع الاستعمال
◀ممنوع تاخده لو كنت بتعانى من مشاكل فى القلب او الكلى او الكبد
◀او بتعانى من ضغط الدم المرتفع .
◀او اى حساسية من اى من مكونات هذا المنتج
◀او بتتبع نظاما غذائي بيحد من كمية الصوديوم

[Mary Naeem]

شكرا على المعلومات

ربنا يباركك

[walaa farouk]

ميرسى على مرورك الغالى مرمر