فى جثسيماني الحزين

walaa farouk · رقم المشاركة : ( 1 ) 06 - 04 - 2018, 08:16 AM

في إيه ف الدنيا يوجع
أكتر من إن قلبك .. يتخان من حد حبه ؟!
ساعة ما يكون ف شده
ميكونشي حد جنبه
حتي "حبايب زمان"
الكلمه الحلوه منهم .. عليك إستكتروا
سابوك ف الضيق لوحدك
مش قادرين يسهروا
إزاي الطيبين
ف ثواني اتغيروا ؟!
ف جثسيماني الحزين
احكيلي وقوللي مين
كان جنبك وقتها ؟!
و همومك والحمول
ليه اتحملتها ؟!
مين يستاهل بجد ؟!
ده انت ف وقت الألم
جنبك ملقتش حد
وسهرت الليل وحيد
وانا برضه لسه سايبك
ف جثسيماني البعيد
وبتبكي عشاني دم
وانا ببكي ل "حد تاني"
رغم ان انت الأهم
الكل يارب ناموا
ومفيش ولا إيد بتسند .. ولا حتي حضن ضم
مفيش غير صخرة ساكته
و قمر بيداري نوره
و ضله من الشجر
ياه لما الحاجات .. بتبقي عليك أحن
يا إلهي من البشر !

Mary Naeem · 06 - 04 - 2018, 10:16 AM

مفيش غير صخرة ساكته
و قمر بيداري نوره
و ضله من الشجر
ياه لما الحاجات .. بتبقي عليك أحن
يا إلهي من البشر !
ربنا يبارك حياتك

walaa farouk · 06 - 04 - 2018, 07:47 PM

ميرسى على مرورك الغالى مرمر فى جثسيماني الحزين