زوادة اليوم: الملك وضيوفو
بيخبرو عن ملك عزم أبناء مملكتو ع العشا بقصرو، بس طلب من كل واحد منّن، يجيب معو مَي بِقدَر معيّن وحسب طاقتو. كتار تذمّرو وإنزعجو وجابو معُن أواني زغيرة، ومنهُن حملو أكتر من طاقتهن. فرح الملك بشعبو، ولـمّا خلص العشا، طلب الملك من أمين الخزينة يعبّي الأوعية بالدهب بدل المي... وهون كانت صدمة المتذمّرين وأصحاب القلوب الضعيفة.
الزوّادة بتقلّي وبتقلّك:
«الرب هوّي مصدر كل عطاء، اعطي من خيرو، بيزيد الخير بين إيديك وبِبيتك».
