27 - 03 - 2018, 05:24 PM
|
|
|
|
..::| الإدارة العامة |::..
|
|
|
|
|
|
زي ما ربنا ساعات بيسمح إنك تمر بأمور ما تكسر فيك البر الذاتي أو الكبرياء أو اﻹحساس باﻷنا (وده طبعاً من رحمته وحبه) .. ﻷنه بيخليك تعرف قد إيه هو بيحبك وبيعمل كتير عشانك..
وفي نفس الوقت بيسد الطريق في وش إبليس ..
وإن حتى الدرس اللي بيعلمك بيه بيكون ليك بعده مكافأه أضعاف ..
زي ما حصل مع أيوب بالظبط.
فهو كمان بيخليك تعدي بأمور ما عشان تبطل تحس إنك حقير ضعيف ملكش لازمة مرفوض وهش وسهل تتكسر.
بيخليك تمشي في أصعب أمور ويكون جنبك لحد ما تعديها .. عشان يعرفك إنك تقدر ..
إن قوته في ضعفك بتكمل .. إنك محبوب ومش سهل تتكسر ..
إن طول ما هو سندك رجلك مش هتزل ..
بيعلمك تثق فيه وبرضو تثق في نفسك (صنع إيديه مش معيوب ولا ضعيف) ..
بيوريك نفسك وإنك ليك شخصية مميزة وقوية وصلبة وإن يعتمد عليك ..
وإنك نافع .. وإنك تستاهل تكون مبسوط ومرتاح.
ربنا عايزك إنسان سوي صفاتك متعادلة جواك لا الكبرياء وما شابه ذلك مغطيها ولا الضعف وما شابه ذلك مغطيها.
سلم لتشكيله وإنت مطمن .. عدي في قلب اﻷتون معاه .. رنم في عز ظروفك وسيب الفخاري يشوف شغله.
هو عارف بيعمل إيه.
هيشكل في النار أجمل قطعة ذهب لامع صافي.
#فقط_ثق
|
