شو صار بهيداك النّهار

[souad jaalouk]

شو صار بهيداك النّهار
مدري زلازل مدري إعصار
ربّ السّما وخالق الأبرار
متل نعجة مسلوبة القوة والدّبار
انساق ع موعد بيعرفو من سنين كتار
وما اتكدر وما حاول يوقف بوجه الأشرار
وهوي رب العرش وكاشف الأسرار
بأوجاع ما بتنوصف ولا بتنحمل
مشي ع جمر أصعب من النّار
وقبل ما يدقوا بالإيدين المسمار
ع كتف عم ينزف حمل خطايانا الكبار
وخشبة بتهدّ شمشون الجبّار
حملها وانصلب وصارت لإلنا تذكار
أيّا نجم ؟ أيّا كوكب ؟ أيّا مدار ؟
صرخة أليمة طلعت من أطهر الأطهار
سامحهون يا بيي
ما بيعرفوا رب الكون وخالق الأقدار
سامحنا انت يا ربّي
لأنّا بعدنا عم نصلبك ليل مع نهار

[walaa farouk]

سامحنا انت يا ربّي
لأنّا بعدنا عم نصلبك ليل مع نهار

مشاركة جميلة
ربنا يفرح قلبك

[Ramez5]

ميرسى لمشاركتك الجميلة .

[sama smsma]

سامحنا انت يا ربّي
لأنّا بعدنا عم نصلبك ليل مع نهار
اميييييين
ربنا يفرح قلبك

[Mary Naeem]

صرخة أليمة طلعت من أطهر الأطهار
سامحهون يا بيي
ما بيعرفوا رب الكون وخالق الأقدار
سامحنا انت يا ربّي
لأنّا بعدنا عم نصلبك ليل مع نهار

رووووووووووعة حببتي
ربنا يفرح قلبك