تكوني إمرأة الرب القوية

walaa farouk · رقم المشاركة : ( 1 ) 04 - 03 - 2018, 10:08 PM

إن أبي وأمي قد تركاني والرب يضمني (مز 27 :10 )
حتى لو الكل سابك .. حتى لو الكل ضدك
حتى لو بيتك واصدقائك وكل دايرة معارفك سابوكي
أو دايما شايفين انك مش نافعة ومفيش منك فايدة
حتى لو الكل واصفك بالفشل والضعف وبكل قبح كذاب
فالحقيقة بس عند جابلك وصانعك إلهك ومخلصك
حبيبك وصديقك وعزوتك وعيلتك هو
وهو خالقك بالجمال .. هو قوتك .. ومسميكي نجاح
مش بس انتي ناجحة ﻷ دا انتي نجاح وقوة وجمال
كل وصف كذاب بتسمعيه عن نفسك ارفضيه
و أقفي قدام الله وخدي قيمتك منه
ﻷن لو صدقتي الكذب ده هتعيشي في الضعف والفشل
لمجرد أنه وهمك من كل اللي حواليكي انك كدة
لكن كل ما تستمدي قيمتك وتعرفيها كويس من الله
كل ما هتكوني مدينة محصنة ضد كل كذب بيترمي عليكي
وتقولي بعز العدو قد تم خرابه
وتعيشي طبيعتك المخلوقة بيها
تعيشي جمال طبيعتك.. تتمتعي بنجاحك وقوتك
تكوني انتي
تكوني إمرأة الرب القوية

Mary Naeem · 05 - 03 - 2018, 11:20 AM

تعيشي جمال طبيعتك.. تتمتعي بنجاحك وقوتك
تكوني انتي
تكوني إمرأة الرب القوية

رووووووووووعة حببتي
ربنا يفرح قلبك

walaa farouk · 06 - 03 - 2018, 07:54 PM

ميرسى على مرورك الغالى مرمر تكوني إمرأة الرب القوية