|
 |
 |
 |
|
رقم المشاركة : ( 1 )
09 - 02 - 2018, 12:29 AM
|
|||||||||||
|
|||||||||||
 مش هتجوز .. البنت اللي شايفه ان الجواز صفقه بتتم بين عيلتين .. والجواز بالنسبالها خلفه و غسيل وتنضيف بيت و حلة محشي اللي اقصي احلامها '' شبكه زي بتاعة بنت خالتها '' .. و شقه اكبر من شقة صاحبتها .. هتجوز .. البنت اللي عقلها يوزن بلد .. وقلبها بسيط اللي ترضي بيا زي ما انا .. وتعيش معايا ع الحلوه والمره اللي تشيني واشيلها .. تسندني واحميها تختارني عشان حبتني .. مش علشان عاجبها .. مش هتجوز .. البنت اللي معندهاش طموح .. اللي راضيه تعيش وخلاص .. اللي مبتعملش حاجه ف حياتها غير انها تخرط ملوخيه وتقشر بصل .. هتجوز .. البنت اللي بتعرف تعافر .. الناجحه ف شغلها وحياتها .. هفضل وراها لحد ما تكبر اكتر .. وهشجعها تتحدي الدنيا واساعدها ف شغل البيت لو تعبت هي ف شغلها هعمل كده وانا مبسوط و مرتاح وراضي زي ما وراء كل رجل عظيم امرأه .. وراء كل امرأه عظيمه رجل برضه .. مش هتجوز .. البنت اللي مبتعرفش تحب .. اللي مبتقدرش تفرحني ولا تعملي حاجه جديده كل يوم اللي بتفضل قدامي ساكته بالساعات وكأننا اتنين منعرفش بعض .. هتجوز .. البنت المجنونه .. الرومانسيه اللي ادخل البيت بالليل الاقيها عاملالي مفاجأه وفارشالي الارض ورد ومشغله المزيكا اللي بحبها اللي اقوم م النوم الاقيها لابسالي الفستان اللي بحبه و وعزماني علي خروجه ع النيل .. .. هتجوز اللي تشاركني حياتي بتفاصيلها .. نفكر سوا و نضحك سوا و نقسم همومنا سوا .. تنقيلي لبسي واسرحلها شعرها .. اصحي علي ضحكتها وتنام علي صدري .. تسندني ف تعبي و تولد وهي ف حضني .. تحبني زي ما انا و تفضل ف عيني القمر اللي خطفني من نفسي لو حتي سنانها وقعت و شعرها ابيض .. هتجوز اللي عقلي يختارها .. وقلبي يعشقها وروحي تشاور عليها من وسط ملايين البنات وتقوللي : هي دي ! 
|
|
09 - 02 - 2018, 11:27 AM
|
رقم المشاركة : ( 2 ) | ||||
|
† Admin Woman †
|
رد: مش هتجوز
هتجوز اللي عقلي يختارها .. وقلبي يعشقها
وروحي تشاور عليها من وسط ملايين البنات وتقوللي : هي دي ! صح يا قمر ربنا يباركك حببتي |
||||
|
|
|
09 - 02 - 2018, 07:58 PM
|
رقم المشاركة : ( 3 ) | ||||
|
..::| الإدارة العامة |::..
|
رد: مش هتجوز
ميرسى على مرورك الغالى مرمر  |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| نيللى كريم عن خبر زواجها: "والله ما هتجوز فى السر" |
| أحد العائدين من ليبيا هتجوز الأول.. ولو ملقتش شغل هسافر تاني |
العرض العادي
