|
 |
 |
 |
|
رقم المشاركة : ( 1 )
04 - 12 - 2017, 11:21 PM
|
|||||||||||
|
|||||||||||
 راجل بسيط جدا اتعود من صغره انه يدفع العشور لربنا عشور كل حاجه في حياته وقته ورزقه وفي مرة قرر يحوش مبلغ ضخم على بعضه علشان يجيب بيه حاجات كتيرة يوزعها على الناس الفقرا وفضل يحوش عشور دخله في ظرف في جيب بدله قديمه مكنش بيلبسها ومعرفش حد خالص من اللي عنده في البيت بالموضوع ده فات شهر واتنين وتلاته وسنه والمبلغ كبر ورغم احتياجه اوقات .. الا انه عمره ما مد ايده عليه وف مرة تعب جدا .. وكان لازم يعمل عمليه كبيرة وخطيرة جري على مستشفى خاصة كبيرة علشان يسألهم عن التكلفه ، لكنه معرفش يقابل حد .. ولقى واحد عجوز غلبان بدقن بيضه طويله بيعمل لإبنه نفس العملية ولما سأله عن تكلفتها .. لقاه دافع مبلغ كبير جدا وللاسف المبلغ ده مكنش متاح معاه رغم انه شايل في جيب البدله ظرف فيه اللي يكفي العمليه وزياده صاحبنا قرر يعملها في مستشفى بسيطه على ايد دكاتره بسيطه ورغم بكاء اولاده وزوجته عليه الا انه ماضعفش لحظة ويوم العملية اتفاجئ بإن العملية نجحت بسلام رغم خطورتها شكر ربنا جدا .. وعرف ان ربنا طبق معاه الاية اللي بتقول اعطوني العشور وجربوني فساعتها رفع ايده وقاله بس انت لسه مخدتش مني حاجه الفلوس في البيت وجري صاحبنا على البيت علشان يديهاله كما هي .. وربنا يوزعها بحكمته لكن للاسف ملقاش البدله ولما سأل مراته عليها قالت انها وديتها الكنيسة مع شوية لبس تانيين محدش بيلبسه جري على الكنيسة وسأل الكاهن عن البدله قاله فيه واحد مسكين خدها من اسبوع ، واداله عنوانه جري على العنوان علشان يقوله خد البدله وهات اللي فيها فإتفاجئ ان اللي فتحله الباب هو الراجل العجوز ابو دقن بيضه اللي قابله في المستشفى بصله لعجوز وقاله خير يا ابني اقدر اساعدك بحاجه !! فإبتسم صاحبنا وقاله .. ربنا باعتني اطمن على ابنك واقولك الف حمدالله على سلامته .. ..... ربنا مابيخلقش حاجه صدفه ثق ان اللي يضيع منك .. غيرك احق بيه وثق ان حساباتك غير حسابات ربنا خالص وثق ان عمرك ما هتكون اكرم من اللي خلقك اللي مابيبتش مديون لان مع كل قرش مفقود من اجل الرب ، تملئ جيوبك من خزائنه ، وحياتك من مراحمه كي تتهلل وتمجد اسمه القدوس الجيوب الممتلئه من اجل نفسها تفرغ ، اما الممتلئه من اجل الغير لا تفرغ ابداً طول مانت عايش ارمي في بذور وثق انك هاتحصد ثمار .. تشبعك الى المنتهى ،، واتعود في حياتك ماتبكيش على اللي يضيع لانخ اذا كان خير .. فراح للي محتاجه اكتر منك وان كان شر .. فربك بعده عنك لانك طيب وماتستهلوش 
|
|
05 - 12 - 2017, 12:08 PM
|
رقم المشاركة : ( 2 ) | ||||
|
† Admin Woman †
|
رد: اذا لمس يشفى
واتعود في حياتك ماتبكيش على اللي يضيع لانه اذا كان خير .. فراح للي محتاجه اكتر منك وان كان شر .. فربك بعده عنك لانك طيب وماتستهلوش صح يا قمر ربنا يباركك حببتي |
||||
|
|
|
05 - 12 - 2017, 07:26 PM
|
رقم المشاركة : ( 3 ) | ||||
|
..::| الإدارة العامة |::..
|
رد: اذا لمس يشفى
ميرسى على مرورك الغالى  |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| إنه يشفي |
| يا ليت الفلتر يصفي نياتهم مثل ما يصفي وجوههم |
| يشفي |
| هو يشفي |
| هو يشفي |
العرض العادي
