فى يوم كنت حزين وجريت عشان ابكى

[محتاجه لايدك ياربى]

فى مرة كنت حزين وجريت عشان أبكى
معرفتش أروح لمين دخلت على أوضتى أجرى

قعدت لوحدى أتألم ومن الدموع درايت وشى
ولا حد معايا بيتكلم مفيش حد حاسس بحيرتى

عامل نفسى نايم ورايح فى سابع نومة
ومحدش بيا عالم لا أمى ولا حتى أخويا

نمت وقلبى بيوجعنى شايل الحمل ومخبى
قومت مغير شكلى وعديت اليوم بضحكى

أتارينى كنت نايم ويسوع سهران جنبى
مهتم بيا وعالم بكل إللى فى قلبى

حاطط إيده على رأسى وبيطبطب عليا
مش هاين عليه زعلى وباله مشغول فيا

سألت نفسى ليه أضايق وعلى أيه ؟
ولما بصيت لربى لقيته مادد إيديه

لما بحزن بقيت بصليله وأمسك صورته وأشتكيله
بسرعة بيجى ويشيله وأفضل تملى أناديله

فى الأول كنت غلطان نسيت أن ربنا موجود
سيطرت عليا الأحزان ودخلت بسرعة فى المود

عرفت حبه ليا وقد أيه هو بيرعانى
نسيت دمع عنيا ونسيت إنى وحدانى

أصل يسوع هو الأمل وهو لينا النجاه
ومعاه الفرح بيكتمل ومفيش مكان للأه

أنا بجد ندمان عشان نسيت ربى
يمكن عشان إنسان وسيطر عليا ضعفى

لكن أنا فوقت خلاص وشوفت نور يسوع
فى الأول كنت محتاس ومن الألم موجوع

ربنا إدانى الصبر وزاد السلام جوايا
ولو زاد عليا القهر يكفى وجوده معايا

مش هسلم نفسى لليأس تانى لأسوأ الظروف
ومهما حصلى مش هفضل مكانى ومش هستسلم للخوف

هحط دايماً مبدأ لحياتى إنى أصلى وألجأ لإلهى فى كل حال
ولو الحمول زادت على أكتافى هتحمل ومش هشغل البال

ليه أحزن وليه أدمع وليه أكون زعلان ؟
وأنا إلهى عليا حنين يبقى لازم أكون فرحان


بقلم / الشاعرة القبطية
كرستين ميلاد

[بنتك انا]

كلمات جميلة اوى
ويمكن احساس بنعيشه
شكرا للشاعرة كريستين
وشكر يامارى ربنال يباركك ويعوض تعبك

[martina fathy]

ميرسى على مشاركة جميلة

[مريم فكرى]

رائع تسلم ايديكى

[محتاجه لايدك ياربى]

المشاركة الأصلية كتبت بواسطة بنتك انا

كلمات جميلة اوى
ويمكن احساس بنعيشه
شكرا للشاعرة كريستين
وشكر يامارى ربنال يباركك ويعوض تعبك

ميرسى كتير يا قمر لمرورك
ربنا يفرح قلبك

[محتاجه لايدك ياربى]

المشاركة الأصلية كتبت بواسطة martina fathy

ميرسى على مشاركة جميلة

ميرسى يا تينا لمرورك الجميل
ربنا يفرح قلبك

[محتاجه لايدك ياربى]

المشاركة الأصلية كتبت بواسطة مريم فكرى

رائع تسلم ايديكى

ميرسى يا مريم لمرورك الجميل
بس على فكره دى مش من كلماتى
دى كلمات شاعره اسمها كرستين وانا نقلتها من جروبها ع الفيس