⛰ *.......خلى صومك جبلين .......* ⛰
كتير مننا مش فاهم ليه الكنيسة حطيت ٣ ايام نقل جبل المقطم مع ٤٠ يوم انتظار موسى على الجيل و انتظار الشريعة
سر وضع ال ٣ ايام بتوع جبل المقطم ...
هو أن الحادثة دى اتحققت فيها كلمة ربنا واتنفذت وحصلت بالفعل ...عشان الكلمة حية و حقيقية
الكنيسة حطيت
*انتظار الكلمة المسيح المتجسد فى قلوبنا*
و
*تحقيق كلمة المسيح المنطوقه*
فى صوم واحد
عشان تقول إن موسى صام مستنى الكلمة ...
والشعب وقت سمعان الخراز صام واتحققت الكلمة ...
واحنا بنصوم منتظرين الله الكلمة ومستنيين تحقيق الكلمة المكتوبة عن مجىء المخلص ..
وعشان ربنا يقولنا اننا لو استنيت الكلمة ...الكلمة هتتحقق وهتغير في ...
الحدثين كان فيهم جبل ...
⛰ جبل وقف عليه موسى ياخد الشريعة ...
⛰ وجبل اتحرك تنفيذا لوعد الانجيل ...
الحدثين كان فيهم ناس مستنية تشوف ايد ربنا ...
ناس عملت عجل ذهبى و عبدته ...
وناس امنت وقت سمعان الخراز ...
الجبل ⛰ فى الكتاب المقدس له معنين ...
⛰ الجبل يعنى مكان مرتفع بعيد عن الناس اتقابل فيه مع ربنا ...
⛰ ويعنى كمان حاجة تقيلة ومستحيل فى حياتى و صعب تحريكها ...
وانا لو عرفت اخد خلوتى وابعد عن الناس واختلى بربنا و بكلمته ... هاقدر احرك كل ما هو تقيل ومستحيل فى حياتى ....
*خلى فى صومك جبلين*
⛰ جبل تطلع عليه تقابل ربنا فى خلوة ودراسة وقراءة ..
⛰ وجبل تنقله وتحرك المستحيل اللى فى حياتك بقوة الصلاة ...
*ربنا قادر بالعشره معاه فى ⛰ جبل الخلوه و الصلاه ينقل ⛰جبل المشاكل و الهموم و المستحيلات*
