انت محتاج حياه افضل ...

[Rena Jesus]

كل يوم بيمر بفهم فيه اكتر اننا بنجري في سباق سريع جدا ،،
المسئوليات من ناحية والشغل والمشاكل والمتطلبات ،،
كل يوم بنجري في نفس الطريق وبنفس السرعة وبنعمل نفس الخطوات ،،
مبقاش عندنا وقت نفكر في حاجات جديدة ،،
مبقاش عندنا وقت نبص في المراية ونسأل نفسنا كام سؤال مهم ،،
هو انا مبسوط كده ؟!
هو انا لاحق انبسط اصلا ؟!!!!
هل حققت جزء صغير من ال achievements اللى كنت بحلم بيها ؟!
هل لسه بحلم !!!
لو قدرت اعرف هعيش كام يوم تانى هل هغير خططي ؟!
هل هختار نفس اسلوب حياتى ؟!

طاب ياستى سألنا نفسنا وبعدين استفدنا إيه !! ولا جاية تنكدى علينا واحنا مش ناقصين ..
لا في الحقيقة انا بتكلم في نقطة مهمه ،، أنه الحياة اللى احنا بنعيشها دى مش هتتكرر ،، اليوم اللى بيروح واحنا بنقفله بسرعه علشان نجيب اليوم اللى وراه هو كنز !!
كل يوم حاول تعمل حاجة تفرحك ،، اسرق من وقتك ساعه او حتى نص ،،
اعمل حاجة مجنونه بس تفرحك ،،
لو انت single حاول تقرأ كتاب في البلكونه في الشتا وانت بردان وبتشرب سحلب ،،
أو انزل اجري في الشارع
لو خاطب خد خطيبتك وزوروا دار ايتام او دار مسنين وخدولهم هدايا هتفرحوا اوي،،
لو متجوز وانت جاي تتغدا لف الاكل في كيس وانزل اديه لاول واحد غلبان تقابله ،،
وانزلوا اتغدوا برا
لو معاك اولاد خدهم من المدرسة وفسحهم فسحة مفاجأة كده ،،

في حاجات بتغذي الروح ،،
بتخليك تفصل من الروتين المخيف اللى بياكل الدماغ ويخليك تتحول لانسان آلى مبرمج بيشتغل بكام زرار ويعمل نفس الحاجات ،
انت محتاج حياه افضل ،،
محتاج تدرك أن معندكش غير حياة واحده وللاسف ملهاش إعادة !!!!!!

[walaa farouk]

انت محتاج حياه افضل ،،
محتاج تدرك أن معندكش غير حياة واحده وللاسف ملهاش إعادة

ميرسي على مشاركتك الجميلة

[Mary Naeem]

انت محتاج حياه افضل ،،
محتاج تدرك أن معندكش غير حياة واحده وللاسف ملهاش إعادة !!!!!!

رووووووووووعة حببتي
ربنا يفرح قلبك

[كيلارا]

انت محتاج حياه افضل ،،
محتاج تدرك أن معندكش غير حياة واحده وللاسف ملهاش إعادة !!!!!!

موضوع رائع
ربنا يعوضك

[Rena Jesus]

ميرسى لمروركم الغالى