|
 |
 |
 |
|
رقم المشاركة : ( 1 )
16 - 11 - 2017, 07:29 AM
|
|||||||||||
|
|||||||||||
 في ناس للأسف مهما عملت معاهم لازم يحسسوك إنك مُقصّر! لازم يحسسوك إنه مش كفاية وإنهم disappointed وإنهم كانوا عشمانين فيك وانت خزلتهم! لازم يوصلوك لمرحلة إن مساعدتك ليهم بقيت حِمل عليك من كتر ما إنت عارف إنك هتتلام لو معملتش اكتر! أو لو عملت كتير المرة اللي فاتت بس المرة دي ماقدرتش! أو لو إضطريت تشرح تفاصيل ظروفك وحياتك عشان يصدقوا إنك بعيد غصب عنك! والنتيجة بتكون إن بتضيع معاهم نيتك في المساعدة من كتر ما انت مش قادر تسمع نبرة اللوم دي طول الوقت! الفكرة إن كل حد فينا عنده حاجة إسمها favorite flavor of suffering أو طعم معين بيفضّله للمعاناة في حياته. في ناس بتعذب نفسها بالمثالية الغير واقعية.. وناس بالتركيز مع غيرها.. وناس بجلد نفسها على كل حاجة.. وناس بإحساس الضحية اللي بيدي ومابياخدش، واللي كل الناس حواليه وحشين وبيتصدم فيهم إلخ إلخ. وللأسف النوع الأخير ده بيبقى socially needy جدا! وبيشفط طاقة اللي حواليه ومهما اتعمل له برضه مابيبقاش كفاية! الأصل إن الواحد يستجدع مع الناس ويقف جنبهم ويساعد بكل اللي يقدر عليه، بس الأصل كمان إن الطرف التاني يقدّر ويتفهم إن كل واحد له ظروفه ومشاكله وتقلباته ومشاغله وشخصيته المختلفة. طريقتك في دعم اللي حواليك ممكن تبقى أحسن وأجدع طريقة في الدنيا، بس مش شرط تكون هي السطمبة أو ال bench mark اللي بنقيس عليه، واللي لو معملوش معاك زيه بالظبط يبقو وحشين وأندال وأنانيين ومش جدعان! إحنا "مختلفين" واللي يقدر يسيب اللي في إيده ويجيلك إنهاردة ممكن بكرة مايقدرش! واللي إنت بتعرف تعمله، غيرك ممكن مايعرفش! فخليك خفيف ولطيف عشان ماتطفش حتى اللي قلبهم عليك! نساع بعضينا كده يا جماعة ونحسن الظن لحسن الحياة مش مستحملة ضغوط من حد!! 
|
|
16 - 11 - 2017, 07:38 AM
|
رقم المشاركة : ( 2 ) | ||||
|
..::| الإدارة العامة |::..
|
رد: نساع بعضينا كده يا جماعة ...
فخليك خفيف ولطيف عشان ماتطفش حتى اللي قلبهم عليك!
نساع بعضينا كده يا جماعة ونحسن الظن لحسن الحياة مش مستحملة ضغوط من حد! مشاركة جميلة يا رينا ربنا يبارك تعبك |
||||
|
|
|
16 - 11 - 2017, 12:06 PM
|
رقم المشاركة : ( 3 ) | ||||
|
† Admin Woman †
|
رد: نساع بعضينا كده يا جماعة ...
فخليك خفيف ولطيف عشان ماتطفش حتى اللي قلبهم عليك!
نساع بعضينا كده يا جماعة ونحسن الظن لحسن الحياة مش مستحملة ضغوط من حد!! ربنا يباركك حببتي |
||||
|
|
|
17 - 11 - 2017, 07:21 AM
|
رقم المشاركة : ( 4 ) | ||||
|
..::| الاشراف العام |::..
|
رد: نساع بعضينا كده يا جماعة ...
ميرسى لمروركم الغالى
 |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| نساع بعضينا يا جماعه |
| احنا ستات زي بعضينا |
| احنا ستات زي بعضينا .. معجزة جميلة جدا للعذراء مريم |
| قـلـبـنـا تمللى على بعضينا |
| احنا ستات زي بعضينا -معجزة جميلة جدا للعذراء مريم |
العرض العادي
