- الجواز حلو للبنت اللي تختار الراجل المناسب، الفرفوش ابو دم خفيف وعنده احلام بيسعي انه يحققها، اللي بيراعي ربنا ف ابوه وامه عشان يكون ليه خير فيكي وتحسي بحنانه، الراجل الطيب الصادق مش الكذاب، الصريح في الغلط قبل الصح، اللي بيعترف بغلطه وبيقولك انا اسف، المسرف في المشاعر النقيه والحنيه والرومانسيه والكلمه الحسنه، اللي مش كسلي ولا محبط ولا غبي ولا عامل نفسه ذكى عليكي، مش اللي بياخد مصروف من ماما وماما تجوزة اللي هى عايزاها مش ال هو عايزها، الراجل ال يحفزك وينمي موهبتك ويخرجك للدنيا وهو واقف في ضهرك ساندك، مش قدامك عاميكى بالغيرة والخوف المفرط، ال واخدك روح قبل جسمك، وقلبك قبل عقلك، وبيحترم زوقك ولمسة اختيارك، مش عشان اخترتيه لا عشان بيقدس البنت اللي اسمها انتى.
- الجواز احلي للراجل اللي يحب البنت ال تعرف تعوضه عن كل سنين عمره، ال ضحكتها مبتطلعش من القلب غير معاه، اللي مش زنانه ولحوحه ومبزرة وكذابه، اللي بتعرف تصون ف الغياب وف الحضور، ال هي بنفسها وبذاتها ك أنثي مش بمية راجل، الذكيه بس مش بتتذاكي، صريحه بس ب دبش، تلقائيه بس بتزوء ف الكلام، اللي عايزاك ومكتفيه بيك ك الشخص الوحيد ف حياتها، ال تشوف فيك زوج اابن صاحب، اللي تثق فيك وهى ع قناعه، مش ال تعملك اختبارات وتتمنى توقعك ف الغلط، عشان تنكد عليك بضمير، ال ليها طمواحات واحلام، اللي متعلمه في مدرسه الدنيا قبل مدرسه القراءة والكتابه، بنت الاصول اللي تبني معاك بيتكم طوبه ورا طوبه، وتعرف تحتويك وتملي عينك بيها وتحافظ عليك، من نفسك قبل بنات حوه، اللي تلومك وتعاتبك مش تبعد وتتقمص.
- الجواز مبدأ متتجوزوش لو شايفين نفسكم لسه بتسعوا انكم تحققوا احلامكم متظلموش نفسكم وتظلموا الشخص اللى بتحبوا معاكم وتظلموا ولادكم، لو المشاكل كترت في حياتكم متقلوش ان الجواز حل لمشاكلم، الجواز بيعوض الناقص فيكم بيزيد يا للحلو يا للمر انتم واختياركم، الضلع الاخير في الجواز هو "الفلوس" دى هتكون السبب الرئيسي للسعاده، تقدروا تسافروا تجيبوا اللى نفسكم فيه، تعلموا اولادكم وتربوهم صح، المشاكل هتقل وهتتعدم طول ما انتوا بتتعاموا مع بعض بالبساطه الفكريه في كل التعاملات ما بينكم، الجواز حلو بترضي بيه نفسك وتعفها، بترضي بيه ربك ودينك وتبعد عن الحرام، بتكمل قلبك بالجزء الاجمل اللى فيه وهو الحب الكامل
28 - 10 - 2017, 12:35 AM
رد: الجواز مبدأ
العرض المتطور