هيقولوا عليَّ إيه لو عرفوا

[walaa farouk]

أخاف لو قلت الحقيقة لأصحابي يغيروا نظرتهم ليَّ!


في حاجات كتير في حياتنا مينفعش حد يعرف عنها حاجة، لأن لو حد عرف ممكن نظرته لينا تتغير زي الإدمان وأي حاجة المجتمع بيرفضها وأنا بعملها، في الحقيقة فى خطايا بنعملها ممكن نتكسف نقول أننا بنعملها، لأننا غالباً هنسقط من نظراصحابنا ومش بعيد يعاملونا معاملة المرضى فيقطعوا التعامل بينا!

، ولأن في ناس مش بيقدروا يقدَّروا أن دي خطية ممكن يكون حد واقع فيها ومحتاج يتحرر منها فبيعتبروا الشخص ده فاسد وبيهاجموه بدل ما يساعدوه، وطبعًا بسبب نظرة الناس دي بنتوقع أن الله كمان بيشوفنا كده وبنتكسف وبنخجل منه ومش بس كده دا احنا بنخاف كمان نروح عنده أو نقرب لأننا عارفين إنه مش هيسامحنا أبداً، أصل اللي بنعمله ده غلط كبير!

الكلام اللي جاي مهم!

بس أنا النهاردة عايز أقولك حاجة مهمة جداً وهي أنه ” مفيش حاجة ممكن تعملها تخلي الله يحبك أكتر أو أقل، صدقني محبة الله ليك ثابتة حتى وانت بتعمل الخطية هو بيحبك زيك زي كل الناس، بس هو بيكره الغلط اللي بيحصل منك مش بيكرهك أنت، والأهم من كده أنه عايز يساعدك وعارف أنك بتقع في الخطية دي وأنك كارهها ومتضايق منها ونفسك تخلص منها وعلشان كده أوعى تخجل تروح له.

عنده استعداد يساعدك لو أنت عايز

الله مرفضش السامرية اللي كان الشعب كله بيكرهها علشان زانية ومرفضش الست اللي اتمسكت وهي بتزني، ومرفضش داود النبي بعد ما زنى وفضل يقول عليه دا رجل حسب قلبي، وكان بيحبهم كلهم، وأنت كمان الله بيقولك أنه بيحبك من قبل ما تتولد ومحبته ليك مش واقفة على تصرفاتك وعنده استعداد كمان يساعدك تتخلص من كل اللي انت فيه دا لو أنت عايز، كل اللي عليك تقوله أنا عايز اخلص من الإدمان ده أنا تعبت ودنيتي باظت وبشكرك لأنك قابلني زي ما أنا رغم كل اللي بعمله، أنا عايزك تخليني أكرها من كل قلبي وتساعدني وتقويني مارجعش تاني للخطية دي.. أمين

[Mary Naeem]

أنا عايزك تخليني أكرها من كل قلبي وتساعدني وتقويني مارجعش تاني للخطية دي.. أمين

[walaa farouk]

ميرسى كتير على مرورك الغالى