|
 |
 |
 |
|
رقم المشاركة : ( 1 )
25 - 10 - 2017, 10:11 AM
|
|||||||||||
|
|||||||||||
|
لا تمنعوا اهاتي .. زمان كنت اشوف امهات و ساعات امي ممكن تضرب بنتها أو ابنها و بعد ما تضربه الواد او البنت تبكي ...الام تخرسه وتقول لها ماسمعش حسك ..اكتمي ...اياك اشوفك تعيط ..حقطعك ...و لحد النهاردة ...فيه ناس تالمك بس مش عاوزاك تقول اه ... يمكن اهاتك لوم ليها .. ساعات انت نفسك تبقي موجوع بس مش قادر تقول ااااه ...مش عاوز تألم حد بتحبه و لا عاوز تهز مثلا نفسية اولادك أو مش عاوز تثقل علي غيرك و انت شايفه متألم زيك ..و ساعات يبقي فيها حتة كبرياء و عزة نفس ..مش عاوز شفقة ..أو يمكن لأنك متاكد ان دموعك حتقع علي الارض و اخرتها شوية طبطبة من ناس مش فاهمة وجعك و لا حساه بس لانها بتحبك عاوزة تريحك بس مش قادرة لأنها محتاجة تاخد عينيك و تشوف بيها قلبك المكسور .... يوجوعوك و يكتموا انفاسك لجل ما تقولش ااه يضربوك و يسبقوك في شكواهم لجل ما حدش يقولهم بتعملوا كده ليه ؟! يجرحوك و يروحوا يبكوا خدشهم ... يغلفوا كذبهم .... يصدقوه ..يحكوه ..و يشوهوك باللي فيهم علي أنه فيك .. و الجاني يبقي ضحية.. و ماحدش يلمح كسرتك و لاحتي بين جفونك جنين دمعتك و لا و انت بتمنعه يتولد لجل ما حدش يسالك ...مالك ...فيك ايه ؟! اعمي ونفسك في الشفا ...تصرخ ...ارحمني ...يزجروك ..يقعدوك .. شايفينك مش جدير بالعفا و لا انتش اللي يوقف علشانه يسوع أو يتعطل بسببه سير الجموع أو تصدع بزنك راس البيه ..!!! ويفضل المك جواك سر ..واحد بس عارفه حتي لو فاكره سايبك تتطلطم وواقف ع البر .....واحد بس حاسك و فاهمك و الصورة عنده حقيقة مش متلطشة و لا ناقصة أو معووجة بالشر..واحد بس داق قبلك المر ...يقدر يفتح لك في البحر ممر ...يقدر في النار يخليك تمر .. واحد بس هو الطريق ..و علامته صليب ..يشاور لك منين تمشي ..لجل ما تكمل ايام الغربة و التيه ... يبقي مالكش غيره حل ...سيبك من اللي بيدوسوا عليك و اللي مش قادرين يشيلوا معاك حملك و خليك فيه ... هو العدل و حيحكم في يوم ...قضيتك لو اتاجلت مش معناها اتلغت المطر قبله غيوم ...قضيتك اتحطت علي منصته لجل ما ينطق لك بالحكم ..و تتردلك حلتك و ينحط في صباعك الخاتم .. ساعتها بس من دفا حضنه مش حتعرف تبص لعين غير عينيه ..ساعتها بس كل الوجع راح يتبخر ...عمر الظلم ما عمر ..و لا السراب أتصور ..فيه يوم....اكيد فيه يوم ... حيشاور و يقول ملء السما ... الحقيقة اهييه... نبيل شحاتة 
|
|
25 - 10 - 2017, 12:26 PM
|
رقم المشاركة : ( 2 ) | ||||
|
† Admin Woman †
|
رد: لا تمنعوا اهاتي
..و لا السراب أتصور ..فيه يوم....اكيد فيه يوم ... حيشاور و يقول ملء السما ... الحقيقة اهييه...
ربنا يباركك |
||||
|
|
|
25 - 10 - 2017, 09:15 PM
|
رقم المشاركة : ( 3 ) | ||||
|
..::| الإدارة العامة |::..
|
رد: لا تمنعوا اهاتي
يبقي مالكش غيره حل ...سيبك من اللي بيدوسوا عليك و اللي مش قادرين يشيلوا معاك حملك و خليك فيه ...
هو العدل و حيحكم في يوم ...قضيتك لو اتاجلت مش معناها اتلغت المطر قبله غيوم . مشاركة جميلة سمسمة ربنا يفرح قلبك |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| انت بتمسح دمع عيونى وبتبدد اهاتى |
| لن تستطيع سنين البعد ان تمنعنا |
| هل الزواج والشركة مع المرأة تمنعنا من القداسة |
| + تعاليم الأنجيل تمنعنا وفى ذات الوقت تحرضنا + |
| أسباب قد تمنعنا من تربية القطط |
العرض العادي
