|
 |
 |
 |
|
رقم المشاركة : ( 1 )
16 - 10 - 2017, 05:41 AM
|
|||||||||||
|
|||||||||||
 في يوم من الايام هعلّم بنتي : ان دواخلها اغلي من ان حد - متعبش كفايا - يوصلها ! و ان قلبها مينفعش يصُب إلّا لمّا يتأكّد إن اللي هينسكب منه مش هيُقع علي الارض ! و ان فيه ناس كتير احسن منها ، لكن زيّها مفيش !! و ان اللي ميقدّرش تفرُّدها في كل شيء مينفعش تتفردله صفحة علاقه ! هزرع فيها يقين ، ان جمالها فيه من جمال اللي خلقها علي صورته و مثاله .. و ان اللي هيحبّها هيحبها علي ما هي عليه ، و انها مش هتحتاج تبذل مجهود عشان تتحب ! المجهود بعد ما تتحب ، مش عشان تتحب ! و الفرق كبير ! و لو حصل انها احتاجت تبذل مجهود عشان تتحب ، يبقي اللي قدامها بكل المقاييس اقل من اللي تستحقّه .. تبقي مش في المكان الصح ، مش في مكانها !! هعلّمها حاجه غريبه جداً ، و بتتشاف تخلُّف في زمانّا ! هعلّمها ان مفيش صداقه بدرجة انفتاح عاليه بين ولد و بنت ، ابداً !! و ان الصداقه بين الجنسين ، معناها محبّة نقيه بدون الدخول في تفاصيل خاصه ، و دايماً هيكون فيه حد محدّش يعدّيه في الكلام مهما كانت غلاوته عندها ! هعلمها ان الانفتاح العاطفي و كشف الدواخل غالباً بيجيب مشاعر ، و المشاعر اغلي من انها تيجي و متتقدّرش ! اغلي من انها تديها لحد ميحسش بيها ، او يحس بيها و ميقدّرش قيمتها ! و انّها لازم هتحس احنا مبنختارش مشاعرنا احنا بنحس ، لكن بنختار هنتعامل مع مشاعرنا ازاي ! و ان كل الحواديت اللي متحكتش و التفاصيل اللي متعاشتش و اللمسات اللي متحسّتش هيبقي ليهم طعم خاص جداً ، لمّا تحوّشهم عشان تعيشهم لاول مرّه ، مع الانسان الصح ! و فوق كل ده هعلمها ان مفيش حاجه اسمها " استثناء " لان منذ بدء الخليقه و الاستثناءات هي اللي بتوجع القلب !! 
|
|
16 - 10 - 2017, 11:49 AM
|
رقم المشاركة : ( 2 ) | ||||
|
† Admin Woman †
|
رد: في يوم من الايام هعلّم بنتي :
هعلمها ان مفيش حاجه اسمها " استثناء "
لان منذ بدء الخليقه و الاستثناءات هي اللي بتوجع القلب !! صح يا قمر ربنا يباركك حببتي |
||||
|
|
|
16 - 10 - 2017, 05:20 PM
|
رقم المشاركة : ( 3 ) | ||||
|
..::| الإدارة العامة |::..
|
رد: في يوم من الايام هعلّم بنتي :
و فوق كل ده هعلمها ان مفيش حاجه اسمها " استثناء " لان منذ بدء الخليقه و الاستثناءات هي اللي بتوجع القلب !! ربنا يفرح قلبك |
||||
|
|
|
17 - 10 - 2017, 08:50 AM
|
رقم المشاركة : ( 4 ) | ||||
|
..::| الاشراف العام |::..
|
رد: في يوم من الايام هعلّم بنتي :
ميرسى لمروركم الغالى
 |
||||
|
|
 |
|
العرض العادي
