ما اعترف به زوج توفيت زوجته أثناء الولادة يثير ضجة على فيس
وكتب الزوج في تدوينته: "أنا راجل متزوج من سنتين كنت مرتبط بمراتي 7 سنين قبل الجواز، كنت بحبها أوي وفي الفترة ديه أنا خنتها فيها 3 مرات بس هي دايما اللي كنت بحتاجها جنبي هي عرفت وسامحتني واتخطبنا وكانت معظم الخطوبة خناقات عشان مش بكلمها زي الأول ومش بروحلها البيت وكان ردي ساعتها أن معنديش وقت عشان شغلي مع أن أنا كنت بلاقي وقت أكلم بنت شمال وأخرج فيه مع صحابي وأرجع الفجر وأنام ساعتين وأنزل شغلي عادي جدًا".
وأضاف: "كانت حجتي دايما أن لو خرجت معاها آخرنا هنرجع 10 بليل ولو روحتلها البيت هنزل 12 من عندها فالخطوبة كلها كانت كده وكنت أقولها إنتي نكدية مع أن الحقيقة أن أنا اللي زبالة!! المهم هي استحملت كل ده بس عشان بتحبني واتجوزنا بعد الجواز تقريبا اهتميت بيها أول شهرين وبعدين كنت أروح شغلي وأرجع أنام وأصحى أنزل مع صحابي وكنت أقولها بكل بجاحة مني "مش عشان اتجوزنا هتحرم من صحابي".
وتابع: "إن قبل الجواز كنت بقولها أنا بنزل معاهم دلوقتي عشان بعد الجواز ده مش هيحصل غير كل فترة، واليوم اللى كنت بتنازل وأقعد معاها كنت أقعد قدام التليفزيون وهي تتحايل عليا أحكيلها أي حاجة عني وكان ردي أنا مبعرفش أحكي مفيش حاجة بتحصل في يومي وده استمر طول جوازنا لحد ماقلتلي إنها حامل ولحد يوم الولادة دخلت تولد …. ومطلعتش !!!!! ساعتها بس حسيت بقيمتها قعدت شهر مش عارف أقعد في البيت كنت شامم ريحتها في كل حتة وبعد أيام افتكرت أن ريهام كانت عاملة مكان كده فيه كل الورق اللي كنت بكتبه خلال 7 السنين ارتباط لقيت معاهم إسكيتش كده فتحته كانت الصدمة، واكتشفت أنها كانت بتكتب كل معاناتها مني وتدعي ربنا أن يرحمها".
وتعاطف البعض مع القصة، بينما هاجمه آخرون، واتهموه بالتقصير والذنب، واختلفت التعليقات لكنها توافقت جميعها في أن الزواج والحب والارتباط مسئولية، فلا تُقدم على هذه المسئولية إلا وأنت "راجل" بكل ما تحمله الكلمة من معانٍ.
09 - 10 - 2017, 01:14 PM
رد: ما اعترف به زوج توفيت زوجته أثناء الولادة يثير ضجة على فيس
العرض العادي
