اختار صديق

[walaa farouk]

في ظروف حياتنا المختلفة بنحتاج أصدقاء قريبين من تفاصيل يومنا ويكونوا معانا في كل وقت ويشاركونا لحظات السعادة أو الألم، أحياناً بنلاقيهم وأحياناً بنكمل لوحدنا..
الكتاب المقدس ذكرلنا نماذج حقيقية تبين معنى الصداقة




كان في إنسان لولا أصدقائه كان فضل في المرض وهو المفلوج اللي يسوع شفاه بسبب إيمان ومساعدة أصدقائه اللي رغم ضعفه شجعوه وسندوه ووصلوه ليسوع (لوقا 5)..دورنا كأصدقاء مش في الخروج والفُسح فقط لكن لازم نقف جنب بعض ونسند بعض لما حد يضعف.
ولو صديقك عاجز ويائس سواء جسدياً أو نفسياً أو روحياً يبقى جه دورك إنك تقف في ضهره وتصلي من أجله وتكلم يسوع عنه




"يا سيد، ليس لي إنسان" (يوحنا 5)
على عكس أصدقاء المفلوج هنا مريض بيت حسدا اللي مالوش أي حد يساعده أو يقف معاه، بس بنلاقي هنا يسوع هو الصديق اللي عوضه عن كل الناس اللي كانت سايباه لوحده <3
لو حاسس إنك لوحدك بدون أصدقاء حقيقيين..يسوع عايز يبقى صديقك هتقبله؟





أشهر وأجمل مثال للمحبة بين الأصدقاء هو " داود و يوناثان " (1صم 20,18)
داود حب يوناثان جداً وتعلقت نفسه به وبنلاقي يوناثان واقف مع داود في شدته وأنقذه من الموت وتعاهدوا إنهم يفضلوا أصدقاء للأبد وتدوم المحبة لأولادهم وجميع نسلهم.
يا بختك لو عندك صديق بيحبك من قلبه
ولو مفيش كن أنت هذا الصديق اللي يحب ويساعد في كل وقت

[Ramez5]

موضوع رائع ومثمر
ربنا يبارك خدمتك

[walaa farouk]

ميرسى رامز على مرورك الحلو

[Mary Naeem]

يا بختك لو عندك صديق بيحبك من قلبه
ولو مفيش كن أنت هذا الصديق اللي يحب ويساعد في كل وقت

رووووووووووعة حببتي
ربنا يفرح قلبك

[marit jesus]

رووووووووووووووووووووووعة يالولو

[walaa farouk]

ميرسى كتير على مروركم الجميل

[shery jesus]

موضوع رووووووعة ...فى اية حلوة اوى بحبها فى الكتاب المقدس بتقول
الصديق اللامين دواء الحياة والذين يتقون الرب يجدونه

[walaa farouk]

ميرسى كتير على مرورك الغالى