كلام لكل البنات

[walaa farouk]

#لكل_البنات_لازم_تقرأوا_الكلام_ده 😍😍

عارفه لما بتلاقي ولد بيقرب منك بسرعة و بيبدأ يدخل في حياتك، و بتلاقي وشك منور و فرحانه، و مع الوقت يبدأ يتعامل معاكي بقرب شديد و ياخد رأيك في كل صغيرة و كبيرة و ممكن التليفون يكون مش بيتقفل بينكم بس بدون ما يقولك كلمة "بحبك" او يجيب سيرة ارتباط!!

ده غالباً بيبقي #فريند_زون_بطعم_الحب .. يعني يكون حد قريب و عاوزك في حياته و بيتعامل معاكي كما لو كنتي حبيبه عمره، بس في نفس الوقت هو مش بيحبك... هو كده عايش في Pathological relationship او علاقه مرضية لانه مدمن علاقات مش بيحبك، و ده لان احد احتياجاته الاساسية انه يكون في علاقه فهو بيشبع بس احتياجة بوجودك و غالبا إهتمامه بيكي بيكون للحفاظ علي صورته هو الذاتيه انه بيعرف يهتم و يحب، لكن هو اصلا مش شايفك و دي بتبقي اصعب انواع الـ Double Message اللي ممكن تتعرضي ليها لان الكلام حاجة و الافعال حاجة تاني، و ده بيسببلك حيرة و لغبطة كبيرة في مشاعرك!!

خطورة الكلام ده عليكي في ان العلاقه دي بتعتبر (مص دم) لانها بتستهلك مشاعرك، و ده لانك بتتشعبطي في العلاقه دي و بتضيع ايام و شهور و ممكن سنين من عمرك و انتي مستنيه انه ييجي و يتقدملك و ده مش بيحصل و مش هايحصل 😞

.طبعا مع الوقت هو ممكن يزهق لو انتي بتسألي عن شكل العلاقه و هاتستمر كده لحد امتي، و شويه و هاتلاقيه بيشوف علاقه تاني علشان يتجوز و انتي يحصلك Trauma او صدمه ان كل الشباب خاين و كاذب و مفيش حب و تبدأ نغمه الصعبانيات و تعيشي في دور الضحية... او تدخلي في حاله Post traumatic personality disorder او اضطراب ما بعد الصدمة، و اللي اهم اعراضها الوحدة و الاكتئاب 😢

طيب ايه الحل؟
الحل انك تشوفي مسئوليتك ناحية علاقاتك، و اننا نعمل stop من الاول لما نلاقي حد بيقرب من دايرتنا الخاصة بشكل مش مفهوم، و نسأل انت عاوز ايه... علشان نكون واضحين من البداية و احنا بنبني علاقه علشان تكون حقيقيه و تنورنا بدل ما تبقي مزيفه و تطفينا ❤

[souad jaalouk]

صح الصح أختي ولاء الوضوح من أول الطريق أفضل

ربنا يباركك ويجازيكِ كل الخير

[Mary Naeem]

علشان نكون واضحين من البداية و احنا بنبني علاقه علشان تكون حقيقيه و تنورنا بدل ما تبقي مزيفه و تطفينا \

صح يا قمر

ربنا يباركك حببتي

[walaa farouk]

ميرسى على مروركم الغالى