+الأفكار السلبيه والأخبار السيئه اللى بتقابلها بتخلى يومك صعب عقلك مرهق ونفسيتك كئيبة حزينه لا تستمع بأي شىء .. الميديا والجرائد بقت مليانه بالاخبار المتعبه ومشاكل البطاله وغلاء الأسعار والجرائم والحوادث والفساد والأكل الملوث و الشركات اللى اتراجعت أرباحها و أُتقفلت و ............... بقت نفسك مسدوده حتى عن ابسط الأمور .. اليوم كله بقى كتله من الاحباطات .. وطبعا بتزيد الاحباطات بزيادة الأشخاص المزعجين اللى حواليك اللى بينقلوا أسوأ الكلمات وأسوأ طرق التعامل وهم مبوظين دايما و مش طايقين نفسهم زوج أو زوجه أو ولاد أو آب أو أم أو صحاب .. قمة اليأس والإحباط .. لم يعد شىء مفرح ف هذا العالم ..
+والنتيجة ..
مقيد .. مش قادر تاخد قرار ف حاجه .. مافيش طاقه ملكش نفس حتى تقوم من مكانك .. وكأنك متخدر .. ف تتخبط قراراتك وتصرفات .. مبقتش طايق حتى نفسك ..
+عزيزى دعنى اقترح عليك ..
اجلس ف مكان مريح اضاءه بسيطه .. استرخ .. عليك ان تأمر عقلك أن لا يفكر ف أمور سلبيه .. تنفس بعمق وردد كلمة " يسوع " .. وتذكر حينها انه يسمعك جيدا " الرب قريب من المنكسري القلب ". (مزمور ٣٤:١٨) .. تأكد تماما انه هو يدرك تركيبتنا العاطفيه فهو صانعها ويدرك مدى احتياجنا ووجعنا ..
كرر هذا اللقاء كأنه لقاء لأصدقاء أحباء انت ويسوع .. حاول ان تفتح هذا الكتاب الذى يحوى أخباره وقصصه لتتعرف على صديقك ولو بكلمات قليله تصف مدى حبه لك ومدى وفاءه ف صداقتك التى قلما تجدها ف إنسان أو اقول لن تجدها ..
تذكر جيداً انه لا يضع اى شروط ليكون صديقا مخلصا ووفيا لك وهو يحب أن يكشف لك عن نفسه لتتمكن من معرفة شخصيته فهو بالحقيقه يطيب خاطرك ويخفف المك فيبعث فيك طمأنينة وسلام يفوق كل عقل .. هو هيقولك " اني قد رأيت مشقة شعبي وسمعت صراخهم لأني عالم بأوجاعهم فنزلت لأنقذهم " (خروج ٣:٧، ٨) .. وانت هتقوله «لما كثرت همومي في داخلي، لاطفت تعزياتك نفسي» (مزمور ٩٤:١٩) .. وبعدين تقوله جرى ايه يارب دا انا فلان انت بتحسبنى ايه دا انا غلبان خالص .. ساعتها صدقنى هتلاقى نفسك متشال ف حضنه وتلاقى سلام ميوصفهوش عقل مش عارف اوصفلكم الحته دى محتاجه شاعر يوصفها أو يمكن ميعرفش كمان يقولها محتاجه قلب يعيشها ويحسها .. صدقنى بعدها يمكن تقوله زود الأوجاع من أجل تعميق هذه الصداقه .. هتقعد تقول مع بولس أُسَر بالضعفات وهتقول لكل اللى حواليك احسبوه كل فرح يـا إخوتي حينما تقعون في تجارب متنوعة ..
19 - 09 - 2017, 08:55 PM
رد: لقاء مع يسوع
العرض العادي
