مفيش داعى للخوف
قالوا فى زلزال
وأول ما سمعنا الخبر
عالطول إتبدل الحال
الخوف ملا قلوبنا
وعشنا فى رعب
وتساءولات مالية الخيال
هنعمل إيه وهنروح فين
نفضل فى بيوتنا
ولا نهرب فى مكان أمين
ونسينا نقدم توبة حقيقية
وفكرنا فكر الأرضيين
ماهو لو مكتوب لينا نموت
والزلزال قام
ودمر بيوت هيكون
ولو مش مكتوب لينا نموت
وداس علينا قطر
هننجى عالطول ونقوم
ويتجدد من تانى العمر
بلاش نطلب ربنا
بس وقت المشكلة
ياريت نطلبه بقلبنا
وننسى حب الأنا
وهو هيطمن قلبنا
ولو إحنا عندنا إيمان
وعلى إستعداد نقابل الديان
مش هنقلق ولا هنخاف
من زلزال أو حتى بركان
ومحدش يقدر يقرر نهايه الحياة
دى حاجة لا يعلمها أحد غير الله
مش أى حد يقول كلام نصدقه
وعالطول نمشى وراه
متصدقوش غيره هو
يسوع راعى الخراف
طلعوا الأوهام دى بره
لإنه يقدر يغير الضعف لقوة
ويحافظ على مصر سالمة
يبقى مفيش داعى تخاف
ليه تخاف ؟
وتكون قلقان ؟
قول له يارب فلتكن مشيئتك
يا خالق الأكوان
وإستعد وجهز نفسك
فى أى حال من الأحوال
بقلم / الشاعرة القبطية
كرستين ميلاد
