|
 |
 |
 |
|
رقم المشاركة : ( 1 )
02 - 09 - 2017, 10:16 PM
|
|||||||||||
|
|||||||||||
|
اكتر ناس ممكن يصعبوا عليك بشكل مُميت : اللى فعلاً اتظلموا حرفياً في الدُنيا ... - الناس اللى عاشت عُمرها كله من غير ما تعرف ولا تقابل ولا تجرّب الحُب الحقيقي ... لا سِهروا وغنّوا للحب... ولا فِرحوا بوجود الحد اللىّ يطبطب على جرحهم وفرحهم ؛ الحد الشغوف بتفاصيلهم ...المشغول بحضورهم وغيابهم ..يكون حاضرهم ومستقبلهم ... -الناس اللى عاشت حياتها كلها للغير و لأهلهم ولأولادهم ...و ماعرفوش يعيشوا يوم لنفسهم ..يوم واحد يحسّوا فيه جمال أنانية عشق الذات و إسعادها .. ضحّوا بكل وقتهم وبكل مُتع الدنيا في سبيل إمتاع غيرهم .. - الناس اللى بعد ما ضيّعوا سنين كتير من حياتهم مع الناس الغلط ...أخيراً لقوا الحد الصح بس وقت ما لاقوه وقفت كل الدنيا ضدهم ..حتى الواقع رافضهم ...كل الظروف حالفة ما تجمعهم ولو ليوم واحد .. -الناس اللى مش بتملك أمر قلبها نهائياً ...كنترول المشاعر عندهم ضايع مش موجود.. ولا بيعرفوا يعملوا تحكّم في أعصاب عضلة القلب إنها امتى تنبض وإمتى تكفّ عن العبث ...بيخرج قلبهم عن السيطرة ....في أحلك الظروف لسه قادرين يحبوا رغم إنهم عارفين نهاية الحُب ده ألم ووجع و هيسببّ لهم شلل وجداني و حياتي وشرخ مُضاعف في الشعور لو الحب ده ما كملتش ملامحهُ بالإرتباط الحلال ... .....دوول أكتر ناس عاجزين حتى عن البُكاء ؛ بيضحكوا ودموع الدُنيا كله في عيونهم ؛ مجروحين و هُم أطباء لناس كتير ...لأنهم جرّبوا الحِرمان فعندهم العطاء أسلوب حياة... - مش أكتر ناس اتوجعت اللى اتخانوا واتخذلوا و انخدعوا ..لأن مهما طالت فترة الصدمة من الخيانة أو الخذلان ...هيفوقوا و هيستردوا قلبهم وكرامتهم مع الوقت .. لكن الناس اللى ما بين فُراق و لقاء ..ما بين حنين وأنين ...ما بين عطف و قصف ... ما بين حرب و حُب ...الناس اللى ما عرفتش شغف اللّهفة.. و لا جرّبت يكون لها سند في الدُنيا .. همّ دوول اللى بيموتوا مع الوقت .....مش مسألة وقت ... 
|
|
04 - 09 - 2017, 12:02 PM
|
رقم المشاركة : ( 2 ) | ||||
|
† Admin Woman †
|
رد: همّ دوول اللى بيموتوا مع الوقت .مش مسألة وقت
همّ دوول اللى بيموتوا مع الوقت .....مش مسألة وقت ...
ربنا يباركك |
||||
|
|
|
04 - 09 - 2017, 07:28 PM
|
رقم المشاركة : ( 3 ) | ||||
|
..::| الإدارة العامة |::..
|
رد: همّ دوول اللى بيموتوا مع الوقت .مش مسألة وقت
ميرسى على مرورك الغالى  |
||||
|
|
 |
|
العرض العادي
