|
 |
 |
 |
|
رقم المشاركة : ( 1 )
31 - 08 - 2017, 09:10 AM
|
|||||||||||
|
|||||||||||
 انا اسفة يا ماما مش عاوزة اكون زيك ... • مش عاوزة اضحي بشغلي ودراستي و نجاحي ومستقبلي و بكل حاجة علشان ولادي .. • ولا عاوزة اجيب ولاد كتير حواليا علشان يبقوا عزوة ويونسوا بعض في الدنيا .. انا أنانية اكتر من كده .. • مش عاوزة اضحي بصحتي وراحتي علشان افضل ساندة البيت كله لوحدي على كتافي من غير ما اطلب مساعدة حد .. انا أضعف من كده .. • مش عاوزة أبات الليل صاحية أفكر في مشكلة ده و مستقبل دي و ازاي نعمل ده و نوفر له منين .. انا دماغي اصغر من كده ... • مش عاوزة اقف في المطبخ بالساعات و مسيبش معلقة في الحوض قبل ما اطلع منه و لا أرتب الدولاب اول بأول و لا أنشر الغسيل في ساعتها ولا اعمل الكيك اللي بيحبه فلان والعصير اللي طالبه علان ... ولا ... ولا .... مقدرش يا أمي .. مقدرش .. معنديش صبرك ولا قوتك ولا مثابرتك ولا عزيمتك.. مش هقدر اربي رجالة يرفعوا الرأس في السما ولا أربي بنات يتحطوا على الجرح يبرد .. العيال دلوقتي بيربونا يا ماما وانا متعاملة مع بنتي بالعافية ... أنا عاوزة ارتاح يا أمي .. عاوزة لما أبقى في عمرك أبقى لفيت نص الكون و ارتحت من هم البنت و رضيت باللي عندي من غير ما أكبر او أعلى منه ... عاوزة أنام من غير مسكنات علشان خشونة المفاصل اللي شيقيت علينا من كتر الوقفة أيام ....ولا قطرات علشان وجع العين اللي باتت تحرس فينا ليالي.... ولا منظمات لضربات القلب اللي داب في حبنا دوب عمر بحاله ... مش عاوزة أفني كياني في حد يا ماما زي ما انتي عملتي ... مش عاوزة اربط ضحكتي بمكالمة تليفون حد يقولي فيها وحشتيني يا ماما .. مش عاوزة اعلق عناقيد الأمل على يوم في نتيجة متعلقة على حيطة المطبخ فيها دايرة على يوم ما هيتجمع الاولاد .. مش عاوزة يا ماما أنام وانا بدعي ان ولادي يقدروا يمشوا ورايا يوم ما اقابل وجه كريم .... سامحيني يا حبيبتي .. زمان لما كان حد بيسألني عاوزة تطلعي ايه كنت بقولهم عاوزة اطلع امي ... دلوقتي يا نور عيني بقيت اتمنى انك انتي اللي كنتي طلعتي زيي. 
|
|
31 - 08 - 2017, 09:23 AM
|
رقم المشاركة : ( 2 ) | ||||
|
..::| الإدارة العامة |::..
|
رد: انا اسفة يا ماما مش عاوزة اكون زيك ...
دلوقتي يا نور عيني بقيت اتمنى انك انتي اللي كنتي طلعتي زيي
مشاركة جميلة يا رينا |
||||
|
|
|
03 - 09 - 2017, 10:05 AM
|
رقم المشاركة : ( 3 ) | ||||
|
..::| الاشراف العام |::..
|
رد: انا اسفة يا ماما مش عاوزة اكون زيك ...
ميرسى لمرورك الغالى
 |
||||
|
|
|
04 - 09 - 2017, 11:38 AM
|
رقم المشاركة : ( 4 ) | ||||
|
† Admin Woman †
|
رد: انا اسفة يا ماما مش عاوزة اكون زيك ...
سامحيني يا حبيبتي ..
زمان لما كان حد بيسألني عاوزة تطلعي ايه كنت بقولهم عاوزة اطلع امي ... دلوقتي يا نور عيني بقيت اتمنى انك انتي اللي كنتي طلعتي زيي. ربنا يباركك حببتي |
||||
|
|
|
05 - 09 - 2017, 08:24 PM
|
رقم المشاركة : ( 5 ) | ||||
|
..::| الاشراف العام |::..
|
رد: انا اسفة يا ماما مش عاوزة اكون زيك ...
ميرسى لمرورك الغالى
|
||||
|
|
 |
|
| قد تكون مهتم بالمواضيع التالية ايضاً |
| الموضوع |
| ترنيمه ماما يا ماما بلغه الاشاره يوستينا_علاء |
| ماما عاوزة قطة |
| ماما عاوزة فستان جديد |
| الفرخة عاوزة قمحة وانا عاوزة اتجوز |
| لقطة رائعة الفهد وأشبالها في مالا مالا . جنوب أفريقيا |
العرض العادي
