|
 |
 |
 |
|
رقم المشاركة : ( 1 )
29 - 08 - 2017, 10:19 AM
|
|||||||||||
|
|||||||||||
|
يوم الحد الصبح طالع من بيتنا مستعجل جدا ، وحاطط التليفون على ودانى بتصل بواحد صاحبى المفروض هانتقابل عشان نروح نخلص شوية شغل تبع الشركه ... لاقيت أسامه ماشى بسرعه وبيزعق ، وابوه واقف فى الشباك ... أسامه شاب عنده 26 سنه أكبر أخواته ، ماكملش تعليمه ، لانه ماكنش حابب التعليم ، دايما بيمشى بدماغه ومابيسمعش كلام حد .. كل يوم لازم اسمعه بيزعق مع ابوه ، كان دايما بيقول ابويا مابيحبنيش وبيدعى عليا فى سره ، وبيحب أخواتى أكتر ، وتقريبا سبب فشل حياة اسامه هو عنده مع ابوه مع كسر العين .. وجه فى يوم 26/8/2016 اتصل بيا اسامه ، قالى على يوم هانقضيه فى اسكندريا ، انا وافقت بدون تردد لانى كنت محتاج اغير جو من ضغط الشغل .. طلعنا وقضّينا اول يوم انا وهو وصحابنا ، وساعتها قررنا نمد يومين كمان بعد ما اخدت إذن من الشغل بإجازه مرضي ، تانى يوم الصبح رن تليفون اسامه بخبر وفاة أبوه .. عزناه والبقيه فى حياتك ماتزعلش هى الدنيا كدا ، الغريب فى الموضوع ان اسامه ولا إتأثر اساسا ، وقال انتو بتعزونى على ايه ، انتو مفروض تباركولى ... بصراحه مكناش عارفين نرد نقول ايه على تحجر قلب اسامه ، عم سامى أبوه راجل كان دايما فى حاله ماشوفناش حاجه وحشه منه ، ودا اللى خلانا نلم شنطنا وننزل العزاء بعد ما اسامه كان رافض يحضر عزاء ابوه ، لكننا اجبرناه انه ينزل عشان الناس ماتلمهوش مهما كان ابوه صعب معاه ، لازم يحضر عزاءه . وصلنا العزاء واحنا قاعدين ، اسامه قالى ورينى صور الرحله ، قولتله بدهشه ، هنا وسط الناس !! قالى اه ياعم مافهاش حاجه .. المهم اديتله التليفون وقولتله انا قايم اشترى حاجه اكلها وجاى ، روحت اجيب من الماركت اللى فى الشارع مايه ساقعه واكل ، اتاخرت حوالى ربع ساعه ، رجعت لاقيت اسامه طالع من القاعه مش شايف حد قدامه ودموع مغرقه عينيه ، ناديت عليه مش سامعنى خالص ، دخلت جوه اشوف اخوه اساله عليه ، لاقيت تليفونى على الكرسى وشغال عليه فديو اول مره اشوفه .. كان لعم سامى بيرشم الصليب على اسامه ابنه .. فى اليوم اللى كنت خارج فيه الصبح ولاقيت اسامه ماشى فى الشارع وبيزعق .. اتارى اليوم ده التليفون بتاعى هنج وبدل مايتصل بصحبى صور فديو ... وكأن ربنا قاصد يعمل كدا عشان يحسّن صورة ابوه لكن للأسف بعد فوات الأوان ، اسامه كان فاكر ابوه بيدعى عليه ، اتاريه كان بيدعيله ، كان فاكر ان ابوه بيكرهه لما بيقوله على الصح ، لكن اسامه كان قاصد يعند مع ابوه لان الغيره كانت عاميه عينيه عن محبة أبوه الحقيقيه له ... ماتديش ضهرك لناس بتحبك بجد ، عشان بعد فوات الأوان هاتندم طول عمرك على كل كلمه صعبه وجعت بيها حد بيحبك بدون مقابل... 
|
|
29 - 08 - 2017, 10:34 AM
|
رقم المشاركة : ( 2 ) | ||||
|
† Admin Woman †
|
رد: فيديو غير حياة اسامة
عشان بعد فوات الأوان هاتندم طول عمرك على كل كلمه صعبه وجعت بيها حد بيحبك بدون مقابل...
صح يا قمر ربنا يباركك حببتي |
||||
|
|
|
29 - 08 - 2017, 08:54 PM
|
رقم المشاركة : ( 3 ) | ||||
|
..::| الإدارة العامة |::..
|
رد: فيديو غير حياة اسامة
ميرسى على مرورك الغالى مرمر  |
||||
|
|
|
06 - 09 - 2017, 08:28 AM
|
رقم المشاركة : ( 4 ) | |||
|
فرحتى انى انضميت معاكم
|
رد: فيديو غير حياة اسامة
رائعة شكرا للمشاركة
|
|||
|
|
|
06 - 09 - 2017, 08:36 PM
|
رقم المشاركة : ( 5 ) | ||||
|
..::| الإدارة العامة |::..
|
رد: فيديو غير حياة اسامة
ميرسى على مرورك الغالى |
||||
|
|
 |
|
العرض العادي
