اوعى تياس

[marit jesus]

الجماعه اللي بيروحو جيم يعرفوا الكلام ده كويس.
في التمرين. بتشيل الحديد وبتلعب به ٣ مجموعات. كل مجموعة ١٢ عَدَّة. يعني ترفع الحديد ١٢ مره. وبعدين تقف نص دقيقه راحه. وبعدين تلعب المجموعة التانيه. وهكذا.
دايما بنيجي في العَدَّة رقم ٩ ونقول مش هانقدر نكمل ال ١٢ عدة.
ويارب بس اقدر اكمل العدة دي. واجيب عدة كمان واقف عند ١٠ ويبقي كده كويس اوييي.
وبعد ما تجيب العدة رقم ١٠. بتقول لنفسك. يلا نحاول نجيب العدة رقم ١١ . ومش مهم العدة الآخيرة.
وبتحاول وبالفعل بتقدر تجيب العدة ال ١١
وبعدين بتقول لنفسك. يلا بقي هو فاضل عدة أخيرة. ان شاء الله هاقدر اجيبها. وبتحاول وبالفعل بتقدر تجيبها وتكمل المجموعة صح. وتنهي التمرين وانت سعيد بنفسك.
ايه بقي لازمة الهري ده كله ؟!!!
كل ده عشان اقولك. ان الإنسان في كل حياته. بتقابله مواقف صعبة بيظن انه مستحيل هايقدر يكمل المشوار. ومستحيل هايقدر يوصل. وبيقول لنفسه. انا هاقف عند المستوي ده. ( زي اللي واقف عند العدة رقم ٩ ).
وهنا بينقسم الناس لقسمين.
٢. القسم الثاني اللي فعلا بيقف عند العدة رقم ٩. وده بيفضل سنين يروح الجيم. وجسمه مش بيتأثر الا تأثر بسيط.
١. القسم الأول اللي بيفضل يقاوم. ويحاول ويعافر ويشجع نفسه. ويصبر نفسه على الموقف والظرف اللي هو فيه. ويفضل يقاوم. لحد ما يقدر يكمل المشوار. ويتجاوز المحنه والمشكلة اللي هو فيها.
ف دايما تأكد مليون في الميه. انك هاتقدر تجيب ال ١٢ عدة كلهم.
دايما تأكد انك هاتقدر تكمل للآخر. بس انت ( قاوم ) و ( عافر ).
⬅️ صدقني. المشكلة اللي انت فيها دي. اكبر حل لها هو الصبر والمقاومه والتحمل.
⬅️ اوعي تيأس

[Mary Naeem]

اوعي تيأس
ربنا يبارك حياتك

[walaa farouk]

ميرسى على مشاركتك مرمر
ربنا يبارك تعبك

[marit jesus]

ميرسى على مروركم الغالى